Zacarias 5:2 - Maung A Balita Biblia

² Tinepet na samay anghil no antoy anengneng ko. Inmebat ak, “Sakey a nilokut a babasaen ya ontitikyab ed tagey; siamiran mitroy karokey to tan apatira tan kapalduan mitroy kaawang to.”

Maung a Balita Biblia

² Tinepet na samay anghil no antoy anengneng ko. Inmebat ak, Sakey a nilokut a babasaen ya ontitikyab ed tagey; siamiran mitroy karokey to tan apatira tan kapalduan mitroy kaawang to.

Zacarias 5:2 Referans Kwoze

Zacarias 4:2

Tinepet ko, “Antoy nanenengneng mo?” Inmebat ak, “Balituk a panangipatoonan na lamparaan. Diad tapew to walay sakey a yaung a pananginay larak. Walay pitoran lamparaan ed samay panangipatoonan, tan balang sakey et walay pitoran pananginay pabilo.

Sofonias 1:14

Asingger lan onsabi so baleg ya agew na Katawan—magano la tan masigsiglat ya onsasabi! Makapasinagem itan ya agew, ta anggan saray sankasebegan a sondalo et onakis ira na ampaipait!

Amos 7:8

Tinepet tod siak, “Amos, antoy sankanengneng mo?” “Sakey a patawin,” ebat ko. Insan inkuantod siak, “Ikakanak yan patawin ta labay kon ipanengneng ed saray totook a singa ra sakey a padir ya aliway patawin to. Ag ko la omanen lamet so kanunotan ko diad panusak ed sikara.

Puyan 18:5

Ta saray kasalanan to totokdulen da lay tawen, tan ag nalingwanay Dios so kaogsan to.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

Jeremias 36:2

“Mangala kay sakey a nilokut a papil ta isulat mon amin iray imbagak ed sika, nipaakar ed Israel tan Juda, tan amin a bansa. Isulat mon amin iray imbagak ed sika manlapu lad samay inmonan impisalitak ed sika, nen ari ni si Josias, ya anggad natan.