Zacarias 5:11 - Maung A Balita Biblia

¹¹ Inmebat, “Diad Babilonia a diman da igawaan na timplo. No ayari lay timplon ipaalagey da, iyakar dad dalem imay baskit ta galangen na saray totoo.”

Maung a Balita Biblia

¹¹ Inmebat, Diad Babilonia a diman da igawaan na timplo. No ayari lay timplon ipaalagey da, iyakar dad dalem imay baskit ta galangen na saray totoo.

Zacarias 5:11 Referans Kwoze

Genesis 11:2

Nen amaarap irad bokig, asabi ray patar ed Babilonia tan nanayam irad man.

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Genesis 10:10

Diad gapo sakop na nanarian to so Babilonia, Erec, tan Acad, a wala ran amin ed dalin na Babilonia.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Genesis 14:1

Saray apatiran arari a di Amrafel na Babilonia, Arioc na Elasar, Kedorlaomer na Elam, tan Tidal na Goiim

Jeremias 29:28

Nepeg a napatonda, ta imbaga tod saray Israelitan walad Babilonia a mabaybayag iran naprisod man, kanyan nepeg day mangipaalagey na kaabungan da, manayam irad man, mantanaman ira, tan pambilay day bungay tanaman da.’”

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Deuteronomio 28:59

ipadalan tod sikayo tan saray kabyangay boleg yo so ag onabig a sakit tan makapataktakot a salot ya ag manonda.

Zacarias 5:10

Tinepet kod samay anghil, “Iner so pangyakaran dad samay baskit?”