Zacarias 4:14 - Maung A Balita Biblia

¹⁴ Insan inkuanto, “Sikara yay duaran lalakin pinili na Dios tan nilanaan ton manlingkur ed sikato.”

Maung a Balita Biblia

¹⁴ Insan inkuanto, Sikara yay duaran lalakin pinili na Dios tan nilanaan ton manlingkur ed sikato.

Zacarias 4:14 Referans Kwoze

Puyan 11:4

Sarayan duan tasi et saray duaran kiew ya oliba tan duaran lamparaan a manalalagey ed arap na Katawan na mundo.

Exodo 40:15

Insan mo ra lanaan na larak na oliba a singa impanlanam ed ama ra, pian makapanlingkur iran papari ed siak. Sayan panlanam ed sikara gawaen to ran papari ed amin a panaon ya onsabi.”

Zacarias 6:13

Sikato so mangipaalagey ed Timplo tan awaten to so kagalangan na sakey ya ari tan oleyan to ray totoo to. Manalagey ed abay na trono to so sakey a pari tan mankimey iran dua a mareen tan maliket.’

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Jeremias 49:19

Onsabi ak a singa isasabid malambut a pastolan na sakey a lion a nanlapud makdel a takel ed gilig na Ilog na Jordan, insan ko biglan pataynanen ed bansa ra iray Edomita. Insan manoley ed bansa so pangulon pilien ko. Siopay mipara ed siak? Siopay mampangayan onlaban ed siak? Siopan manoley so makasumpad siak?

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

Deuteronomio 10:8

Diad palandey say Katawan tinoro to ray lalakin kabyangay tribu nen Levi a sikaray makaoley ed Kaban na Sipanan, manlingkur irad sikato, tan sikaray mamindision ed ngaran to. Saraya ni so kimey da ya anggad natan.

Exodo 29:7

Insan mo alaen so larak a panagpoyuk, ikalbom ed olo to, tan poyukan mo.

Lucas 1:19

Inmebat may anghil, “Siak si Gabriel a manalalagey ed arap na Dios. Imbaki to ak a mangibagad sika yan maung a balita.

Zacarias 6:5

Inmebat, “Sikara yay apatiran dagem; kapkapanlapu rad arap na Katawan na intiron dalin.”

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Isaias 5:1

Dengel kayo legan kon manganta, sakey a kanta na kaarok nipaakar ed kaubasan to: Say kaarok walay kaubasan to ed toktok na pokdul a matabay dalin to.

Saray Salmo 110:4

Say Katawan sinambaan to tan ag to benegan: “Pari kan anggad angga, onung ed inkapari nen Melkisedek.”

Saray Salmo 89:20

Ginawak ya ari si aripen kon David diad panamegley na impanlanak ed sikato na masanton larak.

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

Josue 3:13

Kalasur dad danum ira may paparin mansakbat na Kaban na Sipanan na Katawan, ontondan onagos so Ilog na Jordan tan nagilon ed sakey a pasen so danum ya onaagos a palasur.”

Josue 3:11

no say Kaban na Sipanan na Katawan na sankamundoan et walad onaan yon ombaliw ed Jordan.

Levitico 8:12

Kinonsagra toy Aaron diad impangikalbo tod olo to na larak a panaglana.

Esdras 5:2

Nen nadngel di Zorobabel a lakin anak nen Salatiel tan Josue a lakin anak nen Josadac so pulong da, intubat day kimey ed Timplo ed Jerusalem. Tinmulong ed sikara ira may duaran propita.