Zacarias 2:4 - Maung A Balita Biblia

⁴ Kuantod samay inmabet, “Batik ka, ta ibagam ed samay lakin tobun-balo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.

Maung a Balita Biblia

⁴ Kuantod samay inmabet, Batik ka, ta ibagam ed samay lakin tobunbalo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.

Zacarias 2:4 Referans Kwoze

Zacarias 1:17

Samay anghil imbaga to met ed siak ya ibawag ko: “Ibabaga na Makapanyarin-amin a Katawan ya onaligwas lamet iray siudad to tan tulongan to lamet so Jerusalem, tan pilien to lamet a kayaryan ton dili so siudad to.”

Mikias 7:11

Sikayo ran totood Jerusalem, onsasabi lay panaon na pangipaalagey lamet ed saray padir na siudad. Diad satan iran agew onawang so dalin yo.

Ezekiel 38:11

Getmaen moy onloob ed sakey a bansan ag to niagel so sikaton dili, a mambibilay iray totoo ed kareenan tan arawi rad kaatapan diad saray baley ya anggapoy padir tan makapangyagel.

Jeremias 33:22

Parakelen ko ray kabyangay boleg nen aripen kon David tan saray managlingkur kon papari a kabyangay tribu nen Levi. Ag ira nabilang ed satan a singa ag pakabilang ed saray bitewen ed tawen odino saray buer ed gilig na dayat.”

Zacarias 12:6

“Diad satan a panaon pagmaliwen ko ray boleg na Juda a singa ra pool ed sakey a takel odino diad sakey ya alog ya aaniyen la ray bungay tanaman to—deralen da ray amin a bansa ed kaliber-liber. Mansiansian arawid kaatapan ed dalem na siudad iray totood Jerusalem.

Jeremias 31:27

“Siak, say Katawan, kuanko ya onsabiy panaon a panoen ko na totoo tan ayayep so dalin na Israel tan Juda.

Isaias 49:20

Saray totoom a nianak ed akabantakan dan dalin et ikuandad sika, ‘Melag yan dalin— nakaukolan tayo niy arum a panayaman!’

Isaias 44:26

Balet no walay ipasakbay na aripen ko, no walay ibakik a mangipaamta na saray planok gagawaen kon ontua ira man a pasakbay tan planok. Ibabagak ed Jerusalem a manayam lamet iray totood man, tan ibagak ed saray siudad na Juda a nipaalagey ira lamet. Onalagey lamet iray siudad ya aderal-deral.

Jeremias 31:24

Manayam ed Juda tan saray baley to iray totoo; niwalad satan iray dumaralus tan saray pumapastol a wala ray karniro ra.

Isaias 33:20

Nengneng yoy Sion, say siudad a panggagawaan tayo na saray pista tayo. Nengneng kayod Jerusalem! Sakey a pasen a maung a panayaman ya arawid kaatapan! Magmaliw a singa tuldan ag balut nagagalaw, ag balut nababagut iray palpal to tan ag balut napopoltut iray lobir to.

1 Timoteo 4:12

Ag mo aabuloyan a lemlemewen kay siopaman lapud kinaogaw mo. Ingen, sika komuy oliran da ray mananisia diad panagsalitam, kagagawam, panangarom, pananisiam, tan malinis a panagbilay mo.

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Jeremias 1:6

Insan ko inkuan, “Katawan a Dios, ag ko amtay mansalita; ogaogaw ak ni.”

Ester 9:19

Sikato yay makasengeg a saray Judion manaayam ed saray ankekelag a baley et maliket dan sisilibraan a pista so kumalabinapat ya agew na bulan na Adar, say agew a paniiteran day rigalo na kakanen.

Daniel 1:4

Nepeg a guapo ra, maung iran impanolo, maung so inkapasal da, masiglat iran manaral, tan anggapoy antokaman a deral na laman da, pian manepeg iran manlingkur ed palasio. Si Aspenaz so nambangat ed sikara a mambasa tan mansulat na salita da ray taga Babilonia.

Zacarias 1:16

Kanyan pinmawil ak ed Jerusalem ta kasian koy siudad. Napasimbalon nipaalagey so Timplok tan nipaalagey lamet so siudad.”

Isaias 54:16

“Pinalsak so pumapanday a mampaparlang na apoy tan mamipitpit na saray gawaen ya armas. Pinalsak met iray sondalo, a mangikakana na saray armas a pamatey.

Zacarias 14:12

Say Katawan mangipadalan na salot ed saray totood amin a bansan mibabakal ed Jerusalem. Mabilay ni ra aboluk lay laman da, saray mata ra tan say dila ra.