Zacarias 14:6 - Maung A Balita Biblia

⁶ No onsabiy tan ya agew, anggapo lay onsabin ambetebetel a panaon ya onkigtel so danum,

Maung a Balita Biblia

⁶ No onsabiy tan ya agew, anggapo lay onsabin ambetebetel a panaon ya onkigtel so danum,

Zacarias 14:6 Referans Kwoze

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

2 Pedro 1:19

Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.

Juan 12:46

Linma ak dia a silew ed sankamundoan, pian siopamay manisiad siak et ag mansiansiad kabilongetan.

Saray Salmo 112:4

Say silew onwawandag ed bilonget para saray maung a totoo, para saray mapangasi, maabagey, tan matonung.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”

COLOSAS 1:12

Tan misalamat kid Ama a nanggawad sikatayon manepeg a minabang ed niparaan a tawiren da ray totoo to diad panarian na liwawa.

Juan 1:5

Onsisindag ed kabilongetan so silew tan ag balut naerep na kabilongetan.

Oseas 6:3

Salien tayon amtaen so Katawan. Andi-saew ya onsabid sikatayo so Katawan a singa ibubutay na agew no kabwasan, odino singa ipepelag na oran ed tapew na dalin no panaoy nepnep.”

Jeremias 4:23

Ninmengneng ak ed mundo—anggapoy nengneng odino kakanaan to; tinmangay ak ed tawen—anggapoy liwawa.

Isaias 50:10

Amin yon mangigagalang ed Katawan tan mangoonur ed saray salita na aripen to, nayarin ambilonget a tua so dadalanen yo, balet manmatalek kayod Katawan, ipia yod Dios so bilay yo.

Isaias 13:10

Ontondan onsinag iray bitewen tan amin da ray onsisinag a walad liwang, ambilonget so agew no ompaway, tan ag onsinag so bulan.

Saray Gawgawa 2:16

Ingen, sikato yay labay ya ibaga nen propita Joel nen inkuanto,

Saray Gawgawa 2:19

Manggawa ak na saray milagro diad tawen, tan saray tanda diad tapew na dalin. Dala, apoy, tan makapal ya asewek iray nanengneng,

Isaias 24:23

Ombilonget so bulan tan ag la onsindag so agew, ta say Katawan a Makapanyarin-amin so manari. Manoley ed Jerusalem diad Palandey na Sion, tan nanengneng na saray pangulo da ray totoo so kagalangan to.

Ezekiel 32:7

No deralen ta ka, kobutan koy tawen tan pabilongeten ko ray bitewen. Onamut ed kaloreman so agew tan ag onsinag so bulan.

Ezekiel 32:8

Ag ko pasinagen iray amin a silew ed tawen tan kobutan ko na bilonget so mundom. Siak a Katawan a Dios so nansalita.

Joel 2:30

“Diad satan ya agew mangiter ak na saray tanda a nanengneng ed tawen tan diad tapew na dalin; wala so onagos a dala, apoy, tan makapakapal ya asewek.

Joel 2:31

Ombilonget so agew, tan ombalangan singa dala so bulan kasakbayan ya onsabi so baleg tan makapataktakot ya agew na Katawan.

Joel 2:2

Sakey ya agew ya ambilonget tan maermen, sakey ya mayemyem tan malorem ya agew. Ondodogpa ray amayamay a dorun a singa ra bilonget ya onkokobut ed kapalandeyan. Ag ni agaway singa onya nen saman, tan ag yan balut nagawa ed arapen a panaon.