Zacarias 14:21 - Maung A Balita Biblia

²¹ Amin a bangan lotowan ed Jerusalem tan diad intiron Juda et nibiig ira ya ikana ed pangigalang ed Katawan a Makapanyarin-amin. Ikana na saray totoon mangibagat a panlambungan na karni na saray ibagat. No onsabiy tan a panaon anggapo la ray mannigosio ed dalem na Timplo na Katawan a Makapanyarin-amin.

Maung a Balita Biblia

²¹ Amin a bangan lotowan ed Jerusalem tan diad intiron Juda et nibiig ira ya ikana ed pangigalang ed Katawan a Makapanyarin-amin. Ikana na saray totoon mangibagat a panlambungan na karni na saray ibagat. No onsabiy tan a panaon anggapo la ray mannigosio ed dalem na Timplo na Katawan a Makapanyarin-amin.

Zacarias 14:21 Referans Kwoze

Ezekiel 44:9

“Siak a Katawan a Dios ibabawag ko ya ag onloob ed Timplok so siopaman a toon ag asegat a sangkaili, saray ag onoonur ed siak, anggan saray sangkailin manaayam ed kawalaan da ray totood Israel.”

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

Joel 3:17

“Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Nehemias 8:10

Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.”

1 Pedro 4:17

Sinmabi lay oras na igapoy pananintinsia, tan onaan a nasintinsiaan iray totooy Dios. No onaan itayon nasintinsiaan, anto siriy pansumpalan da ray ag ontotombuk ed Maung a Balita na Dios?

Saray Hebreo 3:6

Balet si Cristo matoor ya Anak ya inkargadod abung na Dios. Sikatayoy abung to, no mansiansiay panagmatalek tan biskeg na linawa tayo ed iilaloan tayo.

1 Timoteo 3:15

pian no bilang ta naabala ak tan ag ko makakar ditan a tampol, amtam no antoy nepeg a gawaey sakey a too ed pikakabyangan tod pamilyay Dios, salanti say iglisia na mabilay a Dios. Sayan iglisia et sikatoy lusek tan pundasion na katwaan.

Zacarias 14:20

Diad satan a panaon nitatak ed anggan batingting ya arkos na kabayo ira yan salita, “Nisaklang ed Katawan.” Magmaliw a masanto iray bangan lotowan a singa saray yaung ed arap na altar.

Zacarias 7:6

Pinepenek day sikaran dili labat nen naniinom tan nanaakan ira.”

Oseas 12:7

Say Katawan kuanto, “Saray totood Israel et masaol iran singa saray Cananeo; labalabay dan saolen iray sumasaliw diad panamegley na masaol a simbangan.

Isaias 35:8

Niwalad satan so sakey a maawang a dalan a tatawagey, “Say Dalan na Inkasanto.” Anggapoy makasalanan a manakar ed saman a dalan; anggapo rad may makulang-kulang a mangibalang ed saray ondalan.

Isaias 4:3

Natawag a masanto ya amin iray totoon atilak ed Jerusalem, a sikaray pinili na Dios a napaliisan day patey.

Deuteronomio 12:12

Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Deuteronomio 12:7

Dimad saman a pasen, diad arap na Katawan a Dios yo ya amindision ed sikayo, sikayo tan saray kabyangay pamilya yo et kanen tan panliketan yo ray maabig a bengatlan nansasagputan yo.

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Ezekiel 45:1

No apag-apagen so dalin tan iter ed balang tribu so betang to, say sakey a parti et nepeg ya isaklang ed Katawan. Nepeg a labinduan kilomitro so karokey to, tan samploran kilomitro so kaawang to. Magmaliw a masanto yan intiron pasen.

Sofonias 1:11

No narengel yo ra ya, akis tan managogul kayo, sikayon manaayam ed abeban parti na siudad, ta ompatey ya amin iray nigosianti!