Zacarias 14:17 - Maung A Balita Biblia

¹⁷ No walay bansan ag onlan mangigalang ed Katawan a Makapanyarin-amin ya ari, ag ompelag ed dalin da so oran.

Maung a Balita Biblia

¹⁷ No walay bansan ag onlan mangigalang ed Katawan a Makapanyarin-amin ya ari, ag ompelag ed dalin da so oran.

Zacarias 14:17 Referans Kwoze

Jeremias 14:4

Nanaekalan na biskeg na linawa iray dumaralus, lapud anggapoy oran tan amaga-magay dalin; iyaamut day kalupaan da.

Isaias 60:12

Balet sigput a naderal iray bansa Ya ag manlilingkur ed sika.

Puyan 11:6

Walad sikaray pakayarin mangikaput na tawen, pian ag onoran legan dan ipupulong so salitay Dios. Wala met so pakayari rad saray danum; nayarian da a pagmaliwen iran dala. Wala met so pakayari ran mangiter ed dalin na antokaman a salot, kapag labay da.

Santiago 5:17

Si Elias et kapara tayon too. Pinasyay impangipikasi ton ag onoran, tan ag inmoran a tua ed loob na taloy taon tan anem bulan.

Deuteronomio 11:17

No onyay gawaen yo, mampasnuk ed sikayo so Katawan. Ag to papelagen so oran, et onkelang so dalin yo tan anggapoy ontubon tanaman. Insan ag mabayag, ompatey kayod man, anggaman a maung iman a dalin ya iter tod sikayo.

Zacarias 14:16

Insan amin da ray akapaliis ed patey a taga rad saray bansa a dinmodogpa ed Jerusalem, et onla rad man a tinaon a mangigalang ed Katawan a Makapanyarin-amin ya ari tan silibraan day Pista na Abung-abung.

Amos 3:2

“Diad amin da ray bansa ed tapew na dalin, sikayo labat so kabat ko tan inasikasok. Sikato yay makasengeg no akin et ambelat iray kasalanan yo, kanyan nepeg a dusaen ta kayo.”

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

2 Saray Awaran 6:26

“No mankasalanan ed sika iray totoom tan dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

Genesis 28:14

Magmaliw iran singa karakel na dabuk ed dalin. Onkayat ira ed amin a sokung na mundo, tan diad panamegley mo tan saray kabyangay boleg mo, bindisionan ko ray amin a bansa.

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.”

Genesis 10:32

Si Noe so sengeg na amin da ra yan totoo, a walay bansa ra tan kailalakan da. Kasumpal na delap, saray anak nen Noe so sengeg na amin a totood balang bansa ed tapew na dalin.

Jeremias 10:25

Idapom pa so pasnuk mo ed saray totoon ag mangigagalang ed sika, tan diad saray totoon mangipopolisay ed sika. Pinapatey da ray totoom; sigput da kamin dinederal, tan dinederal day bansa mi.

Isaias 45:23

Tua so sipan ko, tan ag balut naoman. Sasambaan kod siak a dili; Ondagod siak so balang sakey tan ontalimukor irad arap ko tan sambaan dan matoor irad siak.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

2 Saray Awaran 7:13

Kapag ag ko paoranen, odino kapag mangibaki ak na saray dorun a mangan ed saray tanaman, odino mangipadalan ak na salot ed saray totook,

1 Saray Arari 8:35

“No mankasalanan ed sika ray totoom, et dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

Isaias 18:7

Onsabiy panaon a say Katawan a Makapanyarin-amin et mangawat na saray bagat a manlapud sayan dalin ya adalan-dalan na saray ilog, sayan mabiskeg tan makapanyarin bansa, sayan atatagey tan pinoy baog a totoo a tatakotan ira na sankamundoan. Onla rad Palandey na Sion a dimay pangigagalangan ed Katawan a Makapanyarin-amin.

Jeremias 14:3

Saray mayaman a totoo ibabaki da ray aripen da, ta mangala ray danum; oonla rad saray bobun, balet ag ira makakalmoy danum; ompapawil ira ya anggapoy karga iray pananginan da. Sasakbungan da ray olo ra, lapud kababaingan tan ag da amtay gawaen da.

Zacarias 14:9

Insan say Katawan so magmaliw ya ari ed intiron mundo; balang sakey a too et igalang to a Dios tan nakabatan da ed saksakey a ngaran.