Zacarias 14:16 - Maung A Balita Biblia

¹⁶ Insan amin da ray akapaliis ed patey a taga rad saray bansa a dinmodogpa ed Jerusalem, et onla rad man a tinaon a mangigalang ed Katawan a Makapanyarin-amin ya ari tan silibraan day Pista na Abung-abung.

Maung a Balita Biblia

¹⁶ Insan amin da ray akapaliis ed patey a taga rad saray bansa a dinmodogpa ed Jerusalem, et onla rad man a tinaon a mangigalang ed Katawan a Makapanyarin-amin ya ari tan silibraan day Pista na Abung-abung.

Zacarias 14:16 Referans Kwoze

Isaias 66:23

Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem,” kuay Katawan.

Joel 2:32

Balet nilaban ya amin iray onkerew na tulong ed Katawan. Onung na inkuay Katawan, ‘Saray pigaran totood Jerusalem et makabatik ira; makapaliis ed patey iray pilien ko.’”

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Saray Taga Roma 11:26

Onyay kilaban na intiron Israel. Onung na ibabagay Masanton Sulat, “Manlapud Sion so Manangilaban. Saray kabyangay boleg nen Jacob, ekalan to ray kaogsan.

Saray Taga Roma 11:16

No say ononan tinapay a nanlapud masa et imbagat ed Dios, imbagat met lay intiron masa. No imbagat ed Dios so lamut na kiew, imbagat met la ray sanga to.

Saray Taga Roma 11:5

Ontan met a diad sayan panaon, wala ni ray daiset ya atilak a pinili na Dios lapud panangasi to.

Saray Gawgawa 15:17

Et diad onya ondagod siak ya amin iray katoowan, amin da ray Hintil a tinawag kon kayaryanen.

Juan 7:2

Magano lan onsabiy Pista na saray Abung-abung, sakey a pista da ray Judio.

Juan 1:49

Inkuanen Nataniel ed kinen Jesus, “Maistro, sikay Anak na Dios! Sikay Ari na Israel!”

Lucas 19:38

“Bindisionan komuy Dios so arin onsasabid ngaray Katawan! Kareenan ed tawen! Galang ed Dios!”

Malakias 1:14

Sakey a samba lalaingen so niiter ed masaol a mangibabagat ed siak na andi-kakanaan ya ayep, anta walay marakep ya ayep ed saray kokomponien to ya insipan ton iter ed siak! Lapud sakey ak a matalonggaring ya ari, tan tatakotan ak na saray totood amin a bansa.”

Zacarias 9:7

Ag la mangan na karnin kadadala, odino say kakanen a sebel onung ed ganggan. Amin da ray makapaliis ed patey et magmaliw iran kabyangan na totook tan singa ra sakey a boleg ed tribu na Juda. Magmaliw a kabyangan na saray totook iray taga Ekron a singa impagmaliw met na saray Jebuseo.

Oseas 12:9

Balet siak a Katawan a Dios yo ya angipaway ed sikayod Egipto et panayamen ta kayo lamet ed saray tulda, a singa ginagawa yo nen linma ak ed sikayo ed kalawakan.

Jeremias 51:57

Bueken ko ray manoley to— saray makabat ton totoo, saray pangulo to, tan saray sondalo to. Onogip ira tan ag ira lan balut ombangon. Siak, say ari, so nansalita; siak so Katawan a Makapanyarin-amin.

Jeremias 48:15

Aderal so Moab tan saray siudad to; apatey iray sankamaungan a mamalangwer ton lalaki. Siak so ari a Katawan a Makapanyarin-amin, tan siak so nansalita.

Jeremias 46:18

Siak, a Katawan a Makapanyarin-amin, et ari. Siak so mabilay a Dios. Say biskeg na onsabin ondogpa ed sikayo et singa Palandey na Tabor ya atagey nen saray arum, tan singa Palandey na Carmelo a diad kinaatagey to et ososdungan toy dayat.

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Esdras 3:4

Sinilibraan da so Pista na saray Abung-abung onung ed saray totontonen a nisulat, tan kapag agew angisaklang ira na saray bagat a nakaukolan ed saman ya agew.

2 Saray Awaran 8:13

Angisaklang na saray bagat a popoolan onung na ibabagay Ganggan nen Moises kapag nasabi ra yan masanton agew: Agew na Panagpainawa, Pistay Balon Bulan, tan saray taloran tinaon a pista, salanti, Pistay Tinapay ya Anggapoy Libadura, Pistay Panagani, tan Pista na saray Abung-abung.

Saray Salmo 66:4

Igagalang kay amin a katoowad tapew na dalin; mangakanta ran mangidayew ed sika, mangakanta ran mangidayew ed ngaran mo.”

Isaias 18:7

Onsabiy panaon a say Katawan a Makapanyarin-amin et mangawat na saray bagat a manlapud sayan dalin ya adalan-dalan na saray ilog, sayan mabiskeg tan makapanyarin bansa, sayan atatagey tan pinoy baog a totoo a tatakotan ira na sankamundoan. Onla rad Palandey na Sion a dimay pangigagalangan ed Katawan a Makapanyarin-amin.

Isaias 19:21

Ipaamta na Katawan so sikaton dili ed saray Egipsio; birbiren dad satan tan igalang da, tan isaklangan da na saray bagat. Masimsimoon irad satan a mansipan tan sumpalen da ray sipan da.

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Mikias 4:2

et ikuan na saray katoowan da, “Onkalab tayod palandey na Katawan, diad Timplo na Dios na Israel. Ta ibangat tod sikatayo so labay ton pagawad sikatayo; manakar itayod saray dalan a pinili to. Ta manlalapud Jerusalem so bangat na Katawan; manlapud Sion say Katawan mansasalitad saray totoo to.”

Zacarias 14:9

Insan say Katawan so magmaliw ya ari ed intiron mundo; balang sakey a too et igalang to a Dios tan nakabatan da ed saksakey a ngaran.