Zacarias 14:12 - Maung A Balita Biblia

¹² Say Katawan mangipadalan na salot ed saray totood amin a bansan mibabakal ed Jerusalem. Mabilay ni ra aboluk lay laman da, saray mata ra tan say dila ra.

Maung a Balita Biblia

¹² Say Katawan mangipadalan na salot ed saray totood amin a bansan mibabakal ed Jerusalem. Mabilay ni ra aboluk lay laman da, saray mata ra tan say dila ra.

Zacarias 14:12 Referans Kwoze

Zacarias 12:9

Diad satan a panaon deralen koy balang bansan manalin ondogpa ed Jerusalem.

Zacarias 14:3

Insan ompaway so Katawan a mibakal ed saraman a bansa, a singa impibakal to nen saman a panaon.

Saray Salmo 90:11

Siopay akalikna na ontan lan belat na pasnuk mo? Siopay makaamtad takot a nayarin iter na pasnuk mo?

2 Saray Awaran 21:15

Manirap ka lapud pansakit mod pait ya ondenden lan ondenden ya inagew-agew.”

Deuteronomio 28:59

ipadalan tod sikayo tan saray kabyangay boleg yo so ag onabig a sakit tan makapataktakot a salot ya ag manonda.

Deuteronomio 28:22

Say Katawan ipadalan tod sikayo ray makaalis a sakit, larag, tan petang; pakisiren ton maung so danum yo tan pasinagen toy makasinit a petang na agew et naderal iray tanaman yo. Ondalan ed sikayo ra ya, anggad ag yo ipatey.

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Levitico 26:24

sumpaen ta kayo tan mamimpito nin belat so iyarum ko lamet ed dusa yo lapud saray kasalanan yo.

Levitico 26:21

“No siansia nin sumlangen yo ak tan ag yo ak ni onuren, mamimpito nin belat so iyarum ko lamet ed dusa yo lapud saray kasalanan yo.

Levitico 26:16

dusaen ta kayo. Ipadalan kod sikayoy deral—saray ag natambal a sakit tan say petang na laman a mamulag ed sikayo tan kalkalnan ton oyusey bilay yo. Mantanem kayo balet anggapoy nagonggona yo, ta saray kalaban yo so mangalad saray intanem yo.

Puyan 17:16

Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.

Saray Gawgawa 12:23

Diad saman a bekta, kinabil na sakey ya anghil na Dios si Herodes lapud ag to pinagalangan so Dios. Binigis day laman to, insan inatey.

Levitico 26:18

“No ag yo ak ni onuren kayari to ya, mamimpitoy belat na iyarum kon dusa yo lapud saray kasalanan yo.

Deuteronomio 28:21

Ipadalan tod sikayoy mantotombukan a salot, ya anggad anggapoy anggan sakey a natilak ed sikayod dalin a ngalngali yo la panayaman.

Say Libro nen Job 18:13

Onkakayat ed intiron laman to so makapatey a sakit, tan boboluken to ray taklay to tan saray bikking to.

Zacarias 14:15

Ondalan met so salot ed saray kabayo, diad saray mulo, diad saray kamilyo, tan diad saray asno—diad saray amin ya ayayep ed saray kampo da ray kalaban.

Zacarias 14:18

No saray Egipsio et ag da silibraan so Pista na Abung-abung, nadalan met iray salot ya ipadalan na Katawan ed balang bansa ya ag onlad Jerusalem.

Zacarias 1:15

Balet baleg so pasnuk kod saray bansa a manliliket ed kareenan, ta diad pamopokpok koy pasnuk kod saray totook, iloloor dan pairapen iray totook.

Zacarias 2:4

Kuantod samay inmabet, “Batik ka, ta ibagam ed samay lakin tobun-balo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.