Zacarias 14:10 - Maung A Balita Biblia

¹⁰ Napalanas so intiron dalin manlapud Geba diad baybay ya anggad Rimon diad abalaten. Say Jerusalem mansiansian ososdungan to ray dalin ed kaliber-liber to; say siudad sakopen toy pasen a manlapud Puirta nen Benjamin ya anggad Puirta na Suyok, a kawalaan nen saman na gendat a puirta, tan manlapud Tori nen Hananel ya anggad pespesan na ubas na ari.

Maung a Balita Biblia

¹⁰ Napalanas so intiron dalin manlapud Geba diad baybay ya anggad Rimon diad abalaten. Say Jerusalem mansiansian ososdungan to ray dalin ed kaliber-liber to; say siudad sakopen toy pasen a manlapud Puirta nen Benjamin ya anggad Puirta na Suyok, a kawalaan nen saman na gendat a puirta, tan manlapud Tori nen Hananel ya anggad pespesan na ubas na ari.

Zacarias 14:10 Referans Kwoze

Zacarias 12:6

“Diad satan a panaon pagmaliwen ko ray boleg na Juda a singa ra pool ed sakey a takel odino diad sakey ya alog ya aaniyen la ray bungay tanaman to—deralen da ray amin a bansa ed kaliber-liber. Mansiansian arawid kaatapan ed dalem na siudad iray totood Jerusalem.

Josue 15:32

Lebaot, Silhim, Ayin, tan Rimon; duamplo tan siam iran amin a siudad, a pati saray baleg ed kaliber-liber da.

Jeremias 37:13

Balet nen akasabi ak ed Puirta nen Benjamin, say makaoley ed saray sondalon mambabantay diman, a si Irias ya anak nen Selemias tan apo nen Ananias, sinabat to ak tan kuanto, “Ombabatik kan migampid saray taga Babilonia!”

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

1 Saray Arari 15:22

Insan ingganggan nen Ari Asa a balang sakey a tood Juda, anggapoy impoktil, et ontulong ed pangekal ed Rama na saray bato tan saray tablan impanpadir nen Baasa. Impamadir nen Asa ira yan bato tan tabla ed Mizpa tan Geba, sakey a siudad a nasasakopan na Benjamin.

Zacarias 2:4

Kuantod samay inmabet, “Batik ka, ta ibagam ed samay lakin tobun-balo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.

Jeremias 38:7

Balet si Ebed-melec a taga Sudan, sakey a yunoko tan walay kimey tod palasioy ari, nadngelan ton impelag da ak ed dalem na bobun. Diad sayan bekta walad Puirta nen Benjamin so ari.

Nehemias 3:1

Onya so impamaalagey lamet ed padir na siudad. Pinasimbalon impaalagey nen Eliasib a Pangulon Pari tan saray kapara ton papari so Puirta na Karniro. Insaklang dad Dios, insan da inyan iray puirta to. Insaklang da so padir ya anggad Tori na Sanlasus tan say Tori nen Hananeel.

Saray Huis 20:47

Balet anem a lasus a lalaki so akabatik ya anggad maawang ya alog tan akakar ira ed baleg a Baton-dampay na Rimmon. Nanayam irad man ya apat bulan.

Saray Huis 20:45

Amoliktar iray arum ed sikara tan batik iran amaarap ed kaalogan ya anggad Baton-dampay na Rimmon. Liman libo ed sikara so apatey ed saray dalan. Intuloy na saray Israelita ya inosilan ya anggad Gidom iray nakdaan. Akapatey ni ra na duan libo.

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Isaias 10:29

Akabaliw la rad babaliwan tan mamapalabas iray labi ed Geba! Ataktakot iray totood baley na Rama, tan batik iray totood Gabaa a baley nen Ari Saul.

Isaias 2:2

Diad saray agew ya onsabi, say palandey a panalalageyan na Timplo so magmaliw a sankatageyan ed saray palandey tan ososdungan ton amin iray pokdul. Amayamay a bansa so onlan singa onaagos a danum ed sikato,

Nehemias 12:39

manlapud man intuloy miy kurang mi insan nilabasan mi so Puirta nen Efraim, Puirta na Jesana, Puirta na Sira, Tori nen Hananel, tan say Tori na Sanlasus. Nilabasan mi met so Puirta na Karniro insan kami la tinmonda ed Puirta na Guardia.

2 Saray Awaran 25:23

Adakep nen Joas si Amasias tan inawit tod Jerusalem. Inggeba tod man so padir na siudad manlapud Puirtay Efraim ya anggad Puirtay Sokung, sakey a sanlasus tan siamaplon mitroy karokey.

1 Saray Awaran 6:77

Nipabetang ed arum nin pamilya na boleg nen Mirari iray onggendan a baley a pati saray kaliber-liber dan pastolan. Diad dalin nen Zabulon: Rimono tan Tabor.

1 Saray Awaran 4:32

Nanayam met ni rad saray onggendan a limaran lugar: Etam, Ain, Rimon, Token, tan Asan,

Saray Huis 21:13

Insan nampabakian na intiron tipon na saray Israelita ira may Benjaminitan walad baleg a Baton-dampay na Rimmon tan impaibaga rad sikara tondaan da la so bakal.

Josue 21:17

Manlapud dalin na Benjamin niiter ed sikara so apatiran siudad: Gabaon, Geba,

2 Saray Arari 14:13

Inawit nen Jehoas ya adakep si Amasias, tinmuloy ed Jerusalem, insan gineba toy padir na siudad manlapud Puirta na Efraim ya anggad Puirta na Suyok, a sanlasus tan siamaplon mitroy karokey to.

Jeremias 20:2

impapasiplatan to ak insan to ak impaigolunggulong ed abay na Puirta nen Benjamin diad Timplo.

2 Saray Awaran 26:9

Pinabiskeg nen Uzias so padir na Jerusalem diad impamaalagey to na saray tori ed Puritay Sokung, Puirtay Patar, tan diad saray nilikuan na padir.

Mikias 4:1

Diad saray agew ya onsabi say palandey a panalalageyan na Timplo et magmaliw a sankatageyan ed amin, ososdungan toy amin a kapokdulan. Amayamay iray bansan onlad sikato

Zacarias 8:3

Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.