Zacarias 13:2 - Maung A Balita Biblia

² Diad satan a panaon ekalen kod bansa so kangaranan da ray talintaoy diriyos, et anggapo lay siopaman a makanunot ed sikara. Paekalen kod dalin so siopaman a mangibagan sikato et propita tan ekalen koy pampilalek da ray totoo ed pangigalang ed saray talintaoy diriyos.

Maung a Balita Biblia

² Diad satan a panaon ekalen kod bansa so kangaranan da ray talintaoy diriyos, et anggapo lay siopaman a makanunot ed sikara. Paekalen kod dalin so siopaman a mangibagan sikato et propita tan ekalen koy pampilalek da ray totoo ed pangigalang ed saray talintaoy diriyos.

Zacarias 13:2 Referans Kwoze

1 Saray Arari 22:22

Inmebat imay ispiritu, ‘Onla ak, ta pantilaen kon amin iray propita nen Acab.’ Inkuan na Katawan, ‘Laka, ta palikdom si Acab. Nagaway pilalek mo.’”

Oseas 2:17

Ag ko lan balut pabitlad sikato so ngaran a Baal.

Exodo 23:13

“Dengel kayod amin a bengatlan imbagak ed sikayo, siak a Katawan. Ag kayo mampipikasi ed arum a diriyos; ag yo anggan bibitlaen so kangaranan da.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Ezekiel 30:13

Say Katawan a Dios kuanto, “Deralen ko ray talintao tan saray tila-tilan diriyos ed Memfis. Anggapo lay manoley ed Egipto, tan taktakoten kon amin iray totoo.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Lucas 11:20

Andi, no ag ingen say Dios so mangiiter ed siak na pakayarin mamaekal ed saray dimonyo. Sikato yay mamapaneknek a sinmabi lad sikayoy Panariay Dios.

Mateo 12:43

“No ompaway ed sakey a too so maoges ya ispiritu, mananap na amagan pasen a pampainawaan to. No anggapoy naalmo to,

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Ezekiel 37:23

Ag da la dotakay sikaran dili, lapud saray makapaingungot a talintaoy diriyos odino lapud kasalanan. Ipaliis ko rad amin a pakapankasalanan dad siak. Linisan ko ra; magmaliw iran totook tan siak so Dios da.

Ezekiel 14:9

“No apalikdo so sakey a propita diad pangiter toy tilan ebat, siak a Katawan so amalikdod sikato. Sikatoy ekalen kon kabyangan na saray totood Israel.

Ezekiel 13:23

Kanyan natan nansamput la ray tilan pasingayew yo tan saray managpalikdon propisiya yo. Eekalen kod pakayari yo iray totook, pian naamtaan yo a siak so Katawan.”

Jeremias 29:23

Onyay nagawad sikara, lapud ambelabelat so ginagawa ran kasalanan—akikaloguran irad asaway kapara ran too, tan nantila rad ngaray Katawan. Sumpa yad linaway Katawan; amta to ray ginagawa ra, tan sikatoy tasi sumpad sikara. Say Katawan so nansalita.”

Isaias 2:20

No onsabiy tan ya agew ibantak na saray totoo iray pilak tan balituk a talintaoy diriyos a ginagawa ra, tan itilak da rad kawalaan da ray otut tan saray kolalaknit.

Saray Salmo 16:4

Nabontunan na kairapan, iray manlilingkur ed saray diriyos. Ag ak mibiang ed saray bagat dan dala; ag ko igalang iray diriyos da.

Josue 23:7

et ag kayod satan milimug-limug ed saray akeraan ed sarayan totoo a manaayam ed kawalaan yo, o salitaen yoy kangaranan da ray diriyos da, o ikana yo ray kangaranan da diad pansamba yo, o galangen yo ray diriyos da, odino ondadakmomo kayod sikara.

Deuteronomio 12:3

Igeba yo ray altar da tan mekmek yo ray masanton lusek da. Poolan yo ray tanda na diosan Asera tan batang yo ray talintaoy diriyos da, pian ag la ran balut nigalang ed saraman a pasen.

Exodo 22:13

No pinatey na saray ayep ed takel, say toon manaasikaso alaen to so laman na ayep a pamaneknek ed agawa; ag to nepeg a bayaran ed akanayep so pinatey na saray ayep ed takel.

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Oseas 14:8

Saray totood Israel et anggapo lay pibali ra ed saray talintaoy diriyos; ebatan ko ray pikakasi ra tan talimaen ko ra. Singa ak malamlambut a kiew a manalimbeng ed sikara. Siak so panlapwan na saray bindision a para sikara.”

Ezekiel 6:6

Naderal ya amin iray siudad na Israel, pian natemek-temek ya amin iray altar tan saray talintao ra, namisimisi iray altar dan panagpoolay insinso, tan naandipat ya amin iray ginagawa ra.

Ezekiel 12:24

“Diad saray totood Israel anggapo lan balut so tilan pasingayew odino managpalikdon propisiya.

Ezekiel 36:29

Iyagel ta kayod antokaman a pakadotakan yo. Iganggan ko ray trigo a mamparakel ira, pian ag kayo la nadalan na eras.

Deuteronomio 18:20

Balet nepeg ya ompatey so siopaman a propitan mansalitad ngaran ko anta ag ko ingganggan a mansalita, odino siopaman a propitan mansalita ed ngaran na saray diriyos.’

Ezekiel 43:7

“Sika a toon ompatey, sikatoya so tronok. Manayam ak dia a kaibak iray totood Israel tan oleyan ko ra ya anggad angga. Saray totoo tan saray arari ra et ag da lan balut ipelag ed kababaingan so masanton ngaran ko diad pangigalang dad saray arum a diriyos odino diad asingger a kiwawala na saray bangkay da ray inaatey ya arari ra.

Oseas 2:19

Israel, pagmaliwen ta ka ya asawak; siak so matwa tan matoor ed sika; ipanengneng kod sikay ag mangoman a panangarok tan panangasik tan pagmaliwen ta kan kayaryan ko ya anggad angga.