Zacarias 12:5 - Maung A Balita Biblia

⁵ Insan saray kabyangan na saray boleg na Juda ikuandad sikaran dili, ‘Pinabiskeg na Katawan a Dios a Makapanyarin-amin iray totoo to a manaayam ed Jerusalem.’

Maung a Balita Biblia

⁵ Insan saray kabyangan na saray boleg na Juda ikuandad sikaran dili, Pinabiskeg na Katawan a Dios a Makapanyarin-amin iray totoo to a manaayam ed Jerusalem.

Zacarias 12:5 Referans Kwoze

Zacarias 10:12

Pabiskegen ko ray totook; igalang tan onuren da ak.” Say Katawan so nansalita.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Saray Salmo 18:32

Sayan Dios a mamapabiskeg ed siak, eekalen toy kaatapan ed dalan ko.

Saray Salmo 144:1

Idayew yoy Katawan a manangyagel ko! Ipapasal to ak ed pibabakal, tan ibabangat to ak ed pilalaban.

Saray Salmo 18:39

Iitdan mo ak na biskeg a mibakal, tan pananalo ed saray kalaban ko.

Isaias 28:6

Itdan to na maung a pakatalus ed katonungan iray huis, tan biskeg na linawa iray mangyaagel ed saray puirta na siudad pian ag nadogpaan na saray kalaban.

Zacarias 12:6

“Diad satan a panaon pagmaliwen ko ray boleg na Juda a singa ra pool ed sakey a takel odino diad sakey ya alog ya aaniyen la ray bungay tanaman to—deralen da ray amin a bansa ed kaliber-liber. Mansiansian arawid kaatapan ed dalem na siudad iray totood Jerusalem.

Zacarias 10:6

“Pabiskegen ko ray totood Juda; iyagel ko ray totood Israel. Ipawil ko rad dalin lapud inarok ira. Magmawil iran singa ra ag ko impolisay. Siak so Katawan a Dios; ebatan ko ray pikakasi ra.

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Jeremias 30:21

Manlapud dilin bansa ra iray manoley ed sikara, kadalaan da met lamlamang so prinsipi ra. No imbitaan kon onsingger, ondagod siak; ta siopay ondagon ag inimbitaan? Magmaliw iran totook tan siak so Dios da. Siak, say Katawan, so nansalita.”

Isaias 60:17

“Balituk so iyakar kod sika, aliwan gansa, Pilak tan gansa, aliwan balatyang tan kiew, Balatyang, aliwan bato. Ag ka la pairapen na saray manoley mo; Panoleyen ko ra ed inkatonung tan kareenan.

Isaias 32:1

Onsabiy panaon a walay sakey ya arin manoley onung ed katonungan, tan wala ray pangulon ipakurang day kaptekan.

Isaias 29:10

Impantemeg kayo na Katawan, ngalngali kayo la makalirep na malmalet. Saray propita so nepeg komun a pinagkamata na saray totoo, balet pinerengan ira na Dios.

Isaias 1:26

Itdan ta kayo na saray pangulo tan saray sumisimbawa yo a singa nen saman. Diad ontan, say Jerusalem natawag a matonung tan matoor a siudad.”

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Isaias 1:10

Jerusalem, saray manoley mo tan saray totoom et singa ra saray manoley tan saray totoo ed Sodoma tan Gomorra. Dengel ka ed ibabagad sika na Katawan. Talineng moy ibabangat ed sika na Dios tayo.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Saray Huis 5:9

Akilad saray pangulod Israel so pusok, diad saray totoon mabolbolus ya akilan akibakal. Idayew yoy Katawan!

Zacarias 12:4

Diad satan a panaon taktakoten kon amin iray kabayo ra tan ambagelen ko ray amin a kumakabayo ra. Bantayan ko ray totoo ed Juda, balet bulagen ko ray kabayo na saray kalaban da.

Zacarias 14:14

Saray totoo ed Juda et mibakal ira a mangyagel ed Jerusalem. Samsamen da ray kayamanan na amin a bansa—saray balituk, saray pilak, tan mapalaloy karakel a kawes.

Isaias 28:5

Onsabiy agew a say Katawan a Makapanyarin-amin et magmaliw a singa mapagalang a koronan bolung a para saray totoo ton akapaliis ed patey.

Isaias 45:24

“Ibaga ra a diad siak labat so pakalmoan na pananalo tan biskeg; balet amin da ray mamobosul ed siak et napelag irad kababaingan.