Zacarias 11:5 - Maung A Balita Biblia

⁵ Papateyen ira na saray akankayaryan ed sikara, et ag ira ya nadudusa. Ilalako ray karni tan kuanda, ‘Nagalang komun so Katawan! Mayaman kami la!’ Ag ira kakasian na anggan saray dilin pumapastol da.” (

Maung a Balita Biblia

⁵ Papateyen ira na saray akankayaryan ed sikara, et ag ira ya nadudusa. Ilalako ray karni tan kuanda, Nagalang komun so Katawan! Mayaman kami la! Ag ira kakasian na anggan saray dilin pumapastol da. (

Zacarias 11:5 Referans Kwoze

Jeremias 50:7

Dinodogpaan ira na amin ya akalmod sikara. Saray kalaban da kuanda, ‘Aliwan maoges so ginawa tayod sikara, tan nankasalanan irad Katawan. Nanmatalek ed Katawan iray lalaki ra, kanyan nepeg komun a nansiansian matoor irad sikato.’

Oseas 12:8

‘Mayaman kami,’ kuanda. ‘Amayamay so atipon min kayaryan, tan anggapoy makaakusad sikami ed impansasaol mi.’

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

Juan 16:2

Papawayen da kayod saray sinagoga. Onsabi ingey panaon a siopamay mamatey ed sikayo, ipasen ton manlilingkur ed Dios.

Mateo 23:13

“Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

Ezekiel 34:21

Impapaliis yo ray mansasakit tan binubuno yo ran pinaarawid poluk.

Ezekiel 34:10

Ibawag ko a siak a Katawan a Dios so kalaban yo. Ekalen kod sikayo ray karnirok tan ag ta kayo lan balut pampastolen ed sikara; ag ko la iyabuloy a say laman yon dili labat so asikasoen yo. Iyagel kod sikayo iray karnirok tan ag ko iyabuloy a kanen yo ra.

Ezekiel 34:6

Kanyan nanakar-akar ed kapokdulan tan diad kapalandeyan iray karnirok. Nikaykayat irad nandoroman pasen ed intiron mundo. Anggapoy anggan sakey a nananap ed sikara.

Jeremias 2:3

Israel, bukor moy kayaryan ko nen saman; sikay masanton kayaryan ko. Pinairap ko tan initdan ko na segsegang iray amin a mamapasakit ed sika. Siak, say Katawan, so nansalita.”

Nehemias 5:8

Inkuankod sikara, “Gagawaen tayoy anggaay nayarian tayon manondon ed saray agagi tayon Judio a nilako rad saray arum a bansa. Natan balet, papasooten yo ray agagi yo ya ilako ray sikaran dili ed sikayo a kapara ran Judio!” Ag makaskasel iray pangulo tan anggapoy nibaga ra.

2 Saray Arari 4:1

Linmad kinen Eliseo so sakey a biin balo na sakey a kabyangan na grupo da ray propita tan kuanto, “Inatey lay asawak! Amta yo met la a walay takot tod Dios imay asawak, balet linmad siak so lakin akautangan to, ta aalaen ton aripenen iray duaran lalakin anak ko a pinagkabayar na utang na asawak.”

Puyan 18:13

saray kanila, rikado, insinso, mira, tan pabalingit; saray alak tan larak, arina tan trigo, saray baka tan karniro, kabayo tan karwahi, saray aripen, tan pati say bilay na too.

Juan 10:1

“Ibabagak ed sikayoy katwaan: say toon onloloob ed koral da ray karniro ya ag ondadalan ed puirta no ag ingen onluluksod ag nepeg a dadalanen, sikatoy matakew tan tulisan.

Puyan 3:17

Ikuanmo, ‘Mayaman ak, tan duga ak ed amin a nakaukolan ko!’ Balet ag mo amtan maniirap tan pakaskasi ka! Mairap-bilay ka, anggapoy kawes mo, tan bulag ka.

Oseas 12:9

Balet siak a Katawan a Dios yo ya angipaway ed sikayod Egipto et panayamen ta kayo lamet ed saray tulda, a singa ginagawa yo nen linma ak ed sikayo ed kalawakan.

Amos 2:6

Say Katawan kuanto, “Nankakasalanan iray totood Israel, kanyan andi-saew a dusaen ko ra. Ilalako ran aripen iray lalakin matonung ya ag da nabayaray utang da, saray mairap-bilay ya ag da nayarian a bayaran so anggan bili na sankatopag a sandalya.