Zacarias 11:3 - Maung A Balita Biblia

³ Manaakis ed ermen iray manoley; naandi la so kagalangan da! Dengel kayod pangwam na saray lion; aderal lay balaong dan takel ed gilig na Jordan.

Maung a Balita Biblia

³ Manaakis ed ermen iray manoley; naandi la so kagalangan da! Dengel kayod pangwam na saray lion; aderal lay balaong dan takel ed gilig na Jordan.

Zacarias 11:3 Referans Kwoze

Jeremias 50:44

“Onsabi ak a singa isasabid malambut a pastolan na sakey a lion a nanlapud makdel a takel na Ilog na Jordan insan ko biglan pataynanen ed siudad da iray taga Babilonia. Insan manoley ed bansa so pangulon pilien ko. Siopay mipara ed siak? Siopay onlaban ed siak? Siopan manoley so makasumpad siak?

Saray Gawgawa 7:52

Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Mateo 15:14

Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.”

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Sofonias 1:10

“Diad satan ya agew,” kuay Katawan, “narengel yoy akisan ed Puirta na Sira ed Jerusalem. Narengel yoy panogaogan ed balo-balon parti na siudad tan say baleg ya ungol na katebag na kapokdulan.

Amos 8:8

Kanyan onyegyeg so mundo tan manermen so balang sakey a manaayam ed tapew na dalin. Nayegyeg so intiron bansa; onatagey tan nakusbo a singa Ilog na Nilo.

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Oseas 10:5

Ontakot iray totoon manaayam ed siudad na Samaria tan ermenan day inkabalang na balituk a bakan kalakyan ed Betel. Sikara tan saray paparin manlilingkur ed talintao et nangisan da may inkabalang to. Pandageyeman da so inkaandi na bantug a kagalangan to.

Jeremias 49:19

Onsabi ak a singa isasabid malambut a pastolan na sakey a lion a nanlapud makdel a takel ed gilig na Ilog na Jordan, insan ko biglan pataynanen ed bansa ra iray Edomita. Insan manoley ed bansa so pangulon pilien ko. Siopay mipara ed siak? Siopay mampangayan onlaban ed siak? Siopan manoley so makasumpad siak?

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 7:4

Tondaan yo lay panagmatalek yod managpalikdon balikas, ‘Arawi kamid kaatapan! Sikato yay Timplo na Katawan, sikato yay Timplo na Katawan, sikato yay Timplo na Katawan!’

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Jeremias 2:15

Singa ra lion a nangwam ed sikato; makmaksil so pangwam da. Ginawa ran andi-kakanaan so dalin to; aderal-deral iray baley to, kanyan anggapo lay manaayam.

Isaias 65:15

Ikana na saray pinilik a totoo so ngaran yo a sakey a samba. Siak a Katawan a Dios pateyen ta tayo. Balet itdan ko na balon ngaran iray mangoonur ed siak.

Saray Salmo 22:21

Iyagel mo ak pad sarayan lion; sarasarag ak na sarayan kalakyan a bakad katakelan.

Isaias 5:29

Saray sondalo et mangngongwam iran singa lion ya akapatey na ayep tan aawiten tod pasen ya anggapoy makasamsam ed sikara.

Zacarias 11:2

Manakis tan managugol kayo, sikayon kiew a sipris— atumba la ray kiew a sidro; aderal la ra man a mapagalang a kiew! Akis tan managugol kayo, sikayon robli na Basan— abatang la ray makdel a takel!

Ezekiel 19:2

Talagan singa lion so ina yo! Pinabaleg to ray anak tod kawalaan da ray masebeg a lalakin lion.