Zacarias 11:16 - Maung A Balita Biblia

¹⁶ Angipasen ak na sakey a pumapastol a manasikasod saray karnirok, balet ag to tutulongan iray maatap so bilay da; ag to aanapen iray abalang, ag to tatambalen iray asugatan, odino papakanen iray akapaliis ed patey. Kakanen to ingen so karni da ray sankatabaan tan aakniten to ray koko ra.

Maung a Balita Biblia

¹⁶ Angipasen ak na sakey a pumapastol a manasikasod saray karnirok, balet ag to tutulongan iray maatap so bilay da; ag to aanapen iray abalang, ag to tatambalen iray asugatan, odino papakanen iray akapaliis ed patey. Kakanen to ingen so karni da ray sankatabaan tan aakniten to ray koko ra.

Zacarias 11:16 Referans Kwoze

Jeremias 23:2

Sikato yay kuan na Katawan a Dios na Israel nipaakar ed saray manoley a sikara komuy angasikasod saray totoo to, “Intaytayak yo ray totook tan pinataynan yo ra; ag yo ra inasikaso. Dusaen ta kayo natan lapud saray maoges a ginagawa yo.

Juan 10:1

“Ibabagak ed sikayoy katwaan: say toon onloloob ed koral da ray karniro ya ag ondadalan ed puirta no ag ingen onluluksod ag nepeg a dadalanen, sikatoy matakew tan tulisan.

Ezekiel 34:21

Impapaliis yo ray mansasakit tan binubuno yo ran pinaarawid poluk.

Ezekiel 34:16

“Anapen ko ray abalang, papawilen ko ray akaarawi, berberen ko ray asugat, tan tambalen ko ray mansasakit; balet deralen ko ray mataba tan mabiskeg, ta siak so pumapastol a manggagaway kaptekan.

Ezekiel 34:10

Ibawag ko a siak a Katawan a Dios so kalaban yo. Ekalen kod sikayo ray karnirok tan ag ta kayo lan balut pampastolen ed sikara; ag ko la iyabuloy a say laman yon dili labat so asikasoen yo. Iyagel kod sikayo iray karnirok tan ag ko iyabuloy a kanen yo ra.

Jeremias 23:22

No akabatan da ray niamut a kanununotan ko, ayarian da komun ya impulong so salitak ed saray totook tan atanggoyur da ran mangibeneg ed saray maoges a panagbilay da tan saray maoges a gagawaen da.

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Genesis 33:13

Inmebat si Jacob, “Naksawan tan makapoy la ra yay ogogaw, insan sakey ni, nakaukolan ya asikasoen ko ra yay karniro tan baka tan saray kilaw da. No dagdagen iran manakar a masiglat ed sanagew labat, ompatey iran amin.

Genesis 31:38

Duamploy taon ko lad sikayo; ag tinmondan nananak iray karniro tan saray kanding yo, tan ag ak angan na anggan sakey a kordiro.

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.