Zacarias 11:14 - Maung A Balita Biblia

¹⁴ Insan ko pinoter imay sakey nin bastun, samay tatawagen na “Pankakasakey,” et naandi so pankakasakey na Juda tan Israel.

Maung a Balita Biblia

¹⁴ Insan ko pinoter imay sakey nin bastun, samay tatawagen na Pankakasakey, et naandi so pankakasakey na Juda tan Israel.

Zacarias 11:14 Referans Kwoze

Isaias 9:21

Saray totood Manases tan saray totood Efraim et manlalaban ira, tan mammomoyung iran ondogpa ed Juda. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Santiago 3:16

Ta no iner so kawalaay imon tan pantatalonaan, diman met so kawalaay golo tan amin a klasin kaogsan.

Santiago 3:14

Balet no manarid puso yoy ampait ya imon tan pantatalonaan, ag yo nepeg itan ya ipasirayew, tan ag kayo mantitila sumpad katwaan.

TAGA GALACIA 5:15

Balet no singa kayo ayayep a mankeketketan tan mampapasakitan, manalwar kayo ta ompan naoput kayo.

Mateo 24:10

Amayamay ed satan iray mangibeneg ed pananisia ra. Mampapaogesan tan mambobosulan ira.

Zacarias 11:9

Insan inkuankod saray karniro, “Aliwa lan siak so pumapastol yo. Ompatey la ray nepeg ya ompatey ed sikayo, tan naderal la ray nepeg a naderal ed sikayo. Mandederalan iray amin a makapaliis ed patey.”

Zacarias 11:7

Saray sumasaliw tan lumalako na karniro et inupaan da ak, tan magmaliw ak a pumapastol na saray karniron papatasen. Angawit ak na duaran bastun; say sakey tinawag ko na “Panangasi” tan say sakey “Pankakasakey.” Inasikasok imay poluk na karniro.

Isaias 11:13

Ag la onimon ed satan so nanarian na Israel ed Juda, tan ag la kalaban na Israel so Juda.

Zacarias 11:6

Say Katawan kuanto, “Ag ko la kasian so siopaman a too ed tapew na dalin. Paoleyan kod saray manoley da iray amin a totoo. Deralen na sarayan manoley so mundo, tan ag ko iyagel ed pakayari ra.”)

Ezekiel 37:22

Pagmaliwen ko ran saksakey a bansa ed dalin, diad kapalandeyan na Israel. Nawalaan iray saksakey ya ari a manoley ed sikara, et ag la ra napaldua a duaran bansa odino napaldua ra a duaran nanarian.

Marcos 3:24

No manlalaban iray totood sakey a nanarian, ag mambayag itan a nanarian.