Zacarias 1:17 - Maung A Balita Biblia

¹⁷ Samay anghil imbaga to met ed siak ya ibawag ko: “Ibabaga na Makapanyarin-amin a Katawan ya onaligwas lamet iray siudad to tan tulongan to lamet so Jerusalem, tan pilien to lamet a kayaryan ton dili so siudad to.”

Maung a Balita Biblia

¹⁷ Samay anghil imbaga to met ed siak ya ibawag ko: Ibabaga na Makapanyarin-amin a Katawan ya onaligwas lamet iray siudad to tan tulongan to lamet so Jerusalem, tan pilien to lamet a kayaryan ton dili so siudad to.

Zacarias 1:17 Referans Kwoze

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Zacarias 2:12

Maminsan ni lamet say Juda et magmaliw a nidoma-doman kayaryan na Katawan diad dalin ton masanto, tan say Jerusalem, et magmaliw a sankainaroan tod saray kayaryan to.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Obadias 1:20

Saray sondalon taga baybay na Israel a nibantak iran adakep ed arum a bansa et ompawil ira tan nadakep day Fenicia ya anggad Sarefat. Saray taga Jerusalem a nibantak iran adakep ed Sardis et nadakep da ray baley ed abalaten na Juda.

Ezekiel 36:33

Say Katawan a Dios kuanto, “No alinisan ta kayo lad saray kasalanan yo, panayamen ta kayo lamet ed saray siudad yo tan paapiger kod sikayo iray aderal-deral.

Isaias 66:13

Ligliwaen ta kayod Jerusalem, a singa sakey ya inan liligliwaen toy anak to.

Isaias 54:8

Diad maganon bekta tinaynan ta kan walay pasnuk ko, balet andi-anggaan kon ipanengneng so panangarok ed sika.” Saya sirin so ibabaga na Katawan a mangilalaban ed sika.

Isaias 52:9

Ikasil yoy pankanta yo lapud liket, sikayo ran deral-deral na Jerusalem! Ta say Katawan iyagel toy siudad to tan ligliwaen to ray totoo to.

Isaias 44:26

Balet no walay ipasakbay na aripen ko, no walay ibakik a mangipaamta na saray planok gagawaen kon ontua ira man a pasakbay tan planok. Ibabagak ed Jerusalem a manayam lamet iray totood man, tan ibagak ed saray siudad na Juda a nipaalagey ira lamet. Onalagey lamet iray siudad ya aderal-deral.

Saray Salmo 69:35

Ilaban toy Jerusalem tan iletneg to lamet iray baley ed Juda. Manayam irad may totoo to tan kayaryanen day dalin;

Nehemias 11:20

Saray arum a totood Israel tan saray arum a papari tan saray Levita et nanayam irad dilin dalin da diad saray arum a siudad tan baley na Juda.

2 Saray Awaran 6:6

Balet natan pinilik so Jerusalem a pasen a pangigalangan ed siak, tan pinili ta ka, David, a manoley ed saray totook.’”

TAGA-EFESO 1:4

Diad sayan pikakasakey tid Cristo, say Dios pinili to itayo la, kasakbayan ya apalsay mundo, pian magmaliw itayon masanto tan anggapoy pakabalawan ed arap to. Lapud panangaroy Dios,

Zacarias 3:2

Samay anghil na Katawan kuantod kinen Satanas, “Dusaen ka komun na Katawan, sika Satanas! Dusaen ka komun na Katawan ya inaro to so Jerusalem. Sayan too et aliling toy sakey a pegpeg na kiew ya inalad kawalaay pool.”

Amos 9:14

Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.

Jeremias 33:13

Diad saray baley ed kapokdulan, diad saray alusadsar, diad abalaten na Juda, diad dalin a sakop na Benjamin, diad saray bario ed kaliber-liber na Jerusalem, tan diad saray baley na Juda, saray pumapastol et bilangen da lamet iray karniro ra. Siak, say Katawan, so nansalita.”

Jeremias 31:13

Insan mansayaw tan manliket iray bibii; manggayaga ray lalaki, malangwer may matakken. Ligliwaen ko ra tan pagmaliwen kon liket so ermen da; pagmaliwen kon gayaga so ermen da.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Nehemias 11:3

Diad saray arum a siudad tan baley saray totood Israel, saray papari, saray Levita, saray kumikimey ed Timplo, tan saray kabyangay boleg da ray aripen nen Solomon et nanayam irad dilin dalin da diad saray dilin baley da. Say onggendan et say listaan na saray manonan totood luyag na Juda a manaayam irad Jerusalem.

Zacarias 1:14

Insan samay anghil imbaga tod siak ya ibawag ko may imbaga na Katawan a Makapanyarin-amin: “Mapalaloy panangarok ed Jerusalem a masanton siudad ko.

Zacarias 1:18

Diad sananey a pasingayew anengneng koy apatiran saklur na baka.

Zacarias 2:4

Kuantod samay inmabet, “Batik ka, ta ibagam ed samay lakin tobun-balo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”