Zacarias 1:16 - Maung A Balita Biblia

¹⁶ Kanyan pinmawil ak ed Jerusalem ta kasian koy siudad. Napasimbalon nipaalagey so Timplok tan nipaalagey lamet so siudad.”

Maung a Balita Biblia

¹⁶ Kanyan pinmawil ak ed Jerusalem ta kasian koy siudad. Napasimbalon nipaalagey so Timplok tan nipaalagey lamet so siudad.

Zacarias 1:16 Referans Kwoze

Zacarias 8:3

Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.

Zacarias 4:9

Inkuanto, “Inlira nen Zorobabel so pundasion na Timplo, et sumpalen ton ipaalagey. No nagawa ya, naamtaan na saray totook a siak so angibakid sika ed sikara.

Ezekiel 47:3

Diad panamegley na samay panagsukat to may laki anukat na liman lasus tan apataplo tan siam a mitro a mampaleksab ed bokig tan imbaga tod siak a yakyaken mi may kolus diman. Angga labat ed kalitkalit ko so danum.

Ezekiel 40:3

Inyasingger to ak, et anengneng koy sakey a lakin mankidyam a singa gansa. Sankabembenan toy sakey ya abel a panagsukat tan bislak a pangsukat tan manalalagey ed abay na dalan na puirta.

Say Libro nen Job 38:5

Siopay angigetar na kabaleg na mundo? Siopay anukat? Amtam so ebat da ra ya?

Aggeo 1:14

Pinabiskeg na Katawan so linawa na balang sakey ed sikara a mangipaalagey lamet ed Timplo: si Zorobabel a gobirnador na Juda; si Josue a Pangulon Pari, tan amin a totoon sinmempet a nanlapud inkibantak dad arum a bansa. Inggapo ray impankimey da ed Timplo na Katawan a Makapanyarin-amin a Dios da,

Ezekiel 48:35

Say intiron karokey na samay padir diad apatiran dapag et siam a libo, walon lasus tan walomplon mitro. Manlapud natan say nepeg a ngaran na siudad et “Wadya-so Katawan!”

Isaias 34:11

Saray kulayot tan saray wawak la so onsalat a manayam ed saman a dalin. Say Katawan pagmaliwen ton bunton na deral-deral tan kitongilang ya amiy ganagana.

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Zacarias 2:4

Kuantod samay inmabet, “Batik ka, ta ibagam ed samay lakin tobun-balo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.

Zacarias 10:6

“Pabiskegen ko ray totood Juda; iyagel ko ray totood Israel. Ipawil ko rad dalin lapud inarok ira. Magmawil iran singa ra ag ko impolisay. Siak so Katawan a Dios; ebatan ko ray pikakasi ra.

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Zacarias 2:5

Insipan na Katawan a sikaton dili so magmaliw a padir na apoy ed liber-liber na siudad a mangyagel tan manayam diman a napnoy kagalangan.”

Zacarias 2:6

Say Katawan kuantod saray totoo to, “Inkaykayat ta kayo ed amin a pasen. Balet natan, sikayon nibantak ed arum a bansa et ibatikan yoy Babilonia tan pawil kayo lad Jerusalem.