Zacarias 1:14 - Maung A Balita Biblia

¹⁴ Insan samay anghil imbaga tod siak ya ibawag ko may imbaga na Katawan a Makapanyarin-amin: “Mapalaloy panangarok ed Jerusalem a masanton siudad ko.

Maung a Balita Biblia

¹⁴ Insan samay anghil imbaga tod siak ya ibawag ko may imbaga na Katawan a Makapanyarin-amin: Mapalaloy panangarok ed Jerusalem a masanton siudad ko.

Zacarias 1:14 Referans Kwoze

Joel 2:18

Insan say Katawan impanengneng toy panagnunot tod dalin to; walay panangasi tod saray totoo to.

Zacarias 1:17

Samay anghil imbaga to met ed siak ya ibawag ko: “Ibabaga na Makapanyarin-amin a Katawan ya onaligwas lamet iray siudad to tan tulongan to lamet so Jerusalem, tan pilien to lamet a kayaryan ton dili so siudad to.”

Zacarias 1:9

Tinepet kod samay too, “Antoy kabaliksan da ra yan kabayo?” Inmebat may anghil, “Ipanengneng koy kabaliksan da.

Isaias 40:6

Sakey a bosis so mankelyaw, “Ibawag moy balita!” “Antoy balitan ibawag ko?” tepet ko. “Ibawag mo ya amin a katoowan et singa ra dika; ag ira mansiansian singa saray rosas ed uma.

Isaias 40:1

Say Dios tayo kuanto, “Ligliwa yo ray totook, Ligliwa yo ra!

Zacarias 1:13

Makaligliwa tan makapaliket so inebat na Katawan ed samay anghil.

Nahum 1:2

Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Isaias 59:17

Isolung ton singa kawes a mital ed pagew to so inkatonung, tan singa hilmit so pakayarin mangilaban. Kawesan toy sikaton dili na ontan lan pampilalek a mametek ed saray pikewet tan say panusa tan pamales ed saray maoges a paniirapan na saray totoo.

Isaias 42:13

Say Katawan ompapaway a milaban a singa sondalon mibabakal; akaparaan tan mampilalek a mibakal. Oneeyag na eyag na bakal; ipapanengneng toy pakayari to sumpad saray kalaban to.

Isaias 38:22

Tinepet nen Ari Ezekias, “Antoy pakapatnagan a mamaneknek a makaonla ak ed Timplo?”

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Zacarias 4:1

Dinmago lamet imay katongtong kon anghil tan binangon to ak a singa amangon na toon naogip.

Isaias 37:32

Wala ray mansiansian mabilay a totood Jerusalem tan Palandey na Sion, ta ginetma la na Makapanyarin-amin a Katawan a gawaen to yan andi-saew.”

Isaias 40:2

Pabiskeg yoy linawa da ray totoo ed Jerusalem. Ibaga yod sikaran andokey lay paniirap da tan apirdona la ray kasalanan da. Sigput ko la ran dinusa lapud amin a kasalanan da.”

Ezekiel 36:5

“Diad gaway pasnuk ko, siak a Katawan a Dios, nansalita ak na sumpad saray kaliber-liber a bansa, nagkalalo lad Edom. Diad ontan lan liket tan panagbalaw da, dinakep day dalin ko tan kinayaryan da ray pastolan to.