Tito 2:8 - Maung A Balita Biblia

⁸ Nakaukolan ya ag nabalaw so antokaman a salitaen mo, pian nabaingan iray sumpad sika, diad ag da pakapangibagay antokaman a maoges a sumlang ed sikatayo.

Maung a Balita Biblia

⁸ Nakaukolan ya ag nabalaw so antokaman a salitaen mo, pian nabaingan iray sumpad sika, diad ag da pakapangibagay antokaman a maoges a sumlang ed sikatayo.

Tito 2:8 Referans Kwoze

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

1 Pedro 2:15

Ta labay na Dios a patondaen yoy andi-kakanaan a lalabiren da ray makulang-kulang a totoo, diad panamegley na saray maung a gagawaen yo.

1 Pedro 3:16

Balet nepeg a maoyamo tan mapagalang kayod panagebat yo. Pansiansia yon malinis so konsinsia yo, pian nabaingan iray mamaoges ed panggawa yoy kamaungan diad itombuk yod Cristo.

1 Timoteo 6:3

Siopamay mangibangat na nidoman bangat tan ag onabubon ed saray tuan salita na Katawan tayon Jesu-Cristo tan say bangat a nipaakar ed rilihion tayo,

2 TESALONICA 3:14

No wala bilang so ag mangonur ed saray ibabaga mid sayan sulat, tandaan yo tan ag yo pipiolupan, pian ombaing.

Nehemias 5:9

Insan inkuanko, “Makapoy itay gagawaen yo! Nepeg yon takotan so Dios tan gawaen so antokaman a kaptekan. Ag yo naitdan ed satan iray kalaban tayon Hentil na pankanawnawan manludlurey ed sikatayo.

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

1 Timoteo 5:14

Kanyan para say siak, labay kon miasawa lamet iray malangwer a bibiin balo, mananak tan asikasoen day dilin abung da, pian saray kalaban et ag ira nawalaay pankanawnawa a mamaoges ed sikatayo.

Lucas 13:17

Abaingan ya amin iray kalaban to ed sayan ebat to, balet makaliliket ya amin iray totoo lapud sarayan makapakelkelaw a ginagawa to.

Marcos 12:34

Naimano nen Jesus so kakabatay ebat to, kanyan kuantod sikato, “Ag ka arawi ed Panarian na Dios.” Kasumpal to ya, anggapo lay arum a makakpel a mantepet ed sikato.

Marcos 12:32

Samay iskriba kuantod kinen Jesus, “Duga tan, Maistro! Tua tay imbagam a saksakey so Dios, tan anggapo lay arum no ag sikato labat.

Marcos 12:28

Nadngel na sakey ya iskriba so sangsangan da. Naimano to a si Jesus et maung so ebat to ed saray Saduseo, kanyan inmasingger tan tinepet to, “Dinan so sankamanonan ganggan?”

Marcos 12:17

Kanyan si Jesus kuanto, “Iter yod Impirador so nabebetangay Impirador, tan iter yo met ed Dios so nabebetangay Dios.” Kanyan mankelaw irad sikato.

Tito 3:14

Ibangat mo ray kakaiba tayo ya ikana ray panaon da ed panggaway maabig tan pangiter day talagan nakaukolan. Ag da komun dadarakey bilay da.