TAGA GALACIA 6:4 - Maung A Balita Biblia

⁴ Nepeg a sintinsiaan na balang sakey a too so kagagawa ton dili. No maung so gagawaen to, nayarian toy mampasirayew lapud ginawa ton dili tan ag to la nepeg ya ipara ed ginaway arum.

Maung a Balita Biblia

⁴ Nepeg a sintinsiaan na balang sakey a too so kagagawa ton dili. No maung so gagawaen to, nayarian toy mampasirayew lapud ginawa ton dili tan ag to la nepeg ya ipara ed ginaway arum.

TAGA GALACIA 6:4 Referans Kwoze

2 CORINTO 13:5

Subok yoy sikayon dili tan imano yo no mambibilay kayo kasi onung ed pananisia. Ag yo ta nabibirbir ed sikayon dili a walad sikayoy Jesu-Cristo?—likud labat no ag yo nilabas so pananubok.

Saray Salmo 26:2

Sokayan tan subok mo ak pa, Katawan; sintinsiaan mo pa ray pilalek ko tan saray kanunotan ko.

1 CORINTO 11:28

Kanyan nakaukolan a sokayan na balang sakey so sikaton dili, kasakbayan a mangan na tinapay tan oninom ed kupa.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Lucas 18:11

Samay Pariseo binmiig tan nanalagey a mampikasi, ‘Misalamat ak ed sika, O Dios, ta aliwa ak a singa saray arum a totoon maagum, masaol, tan mikakaloguran. Misalamat ak, ta aliwa ak a singa saman a sumisingil na buis.

Probirbio 14:14

Saray totoon maoges anien day bayar na kaogsan da. Saray totoon matonung natumangan ira, lapud saray gawgawa ra.

Say Libro nen Job 13:15

Nakal lamlamang so ilalok, kanyan anggapoy wala ed siak anggan pateyen ak na Dios. Isangsang kon siansia so katonungan ko ed arap to.

TAGA GALACIA 6:13

Anggan saray mampapasegat et ag da oonuren so Ganggan; papasooten da kin mampasegat, pian nipasirayew day impangonur yod sayan sirimonya.

1 CORINTO 3:8

Anggapoy pandomaan na toon mantanem tan toon mansalug. Tumangan iray Dios onung ed saray kimey ya agawaan da.

1 CORINTO 3:14

No ag napoolan so impaalagey na siopaman ed tapew na pundasion, satan a too makaawat na tumang to.

FILIPOS 1:26

Kanyan no napilimugan ta ki lamet, lalon nikinun yo ak diad pikakasakey yod Cristo Jesus.