TAGA GALACIA 6:2 - Maung A Balita Biblia

² Mantutulongan kayod saray sasakbaten yo, tan diad ontan naonur yoy ganggan nen Cristo.

Maung a Balita Biblia

² Mantutulongan kayod saray sasakbaten yo, tan diad ontan naonur yoy ganggan nen Cristo.

TAGA GALACIA 6:2 Referans Kwoze

Saray Taga Roma 15:1

Sikatayo ran mabiskeg ed pananisia nepeg tin tulongan iray makapoy ed pananisia diad panakbat dad saray pakabebelatan da. Ag tayo nepeg a paliketen so sikatayon dili.

1 TESALONICA 5:14

Agagi, ipurek mid sikayo a bilin yo ray mangiras, pabiskeg yo ray mabaing, tulongan yo ray makapoy, tan anosan yo ran amin.

Juan 13:34

Iter kod sikayoy sakey a balon ganggan: manaarowan kayo! Onung na impangarok ed sikayo, ontan met so panaarowan yo.

1 Juan 4:21

Saya sirin so ganggan ya inter nen Cristo ed sikatayo: say mangarod Dios nepeg met ya aroen toy agi to.

Santiago 2:8

Maung so gawaen yo no onuren yoy manonan ganggan a walad Masanton Sulat, “Arom so kaparam a too, a singa panangarom ed sikan dili.”

Juan 15:12

Sikato yay ganggan ko: manaarowan kayo a singa panangarok ed sikayo.

Exodo 23:5

No niparokul so asno na mamobosul ed sikayo, lapud belat na awit to, tulongan yon onalagey lamet imay asno; ag kayo ompapaliis.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

Mateo 8:17

Ginawa to ya, pian nasumpal so imbaga nen propita Isaias, “Sikaton diliy nansakbat na saray kakapoyan tayo, tan inekal to ray sakisakit tayo.”

TAGA GALACIA 6:5

Ta nakaukolan a sakbatey balang sakey so dilin awit to.

1 CORINTO 9:21

Ontan met, no kaibak iray Hintil mambibilay ak a singa Hintil ya ag nasasakopay Ganggan, pian natanggoyur ko ra. Ag to kabaliksan yan ag ko oonurey ganggan na Dios, ta tuan nasasakopan ak na ganggan nen Cristo.

Saray Taga Roma 8:2

Ta say ganggay Ispiritu, a mangiiter ed sikatayoy bilay diad panamegley na pikakasakey tid Cristo Jesus, so angibolus ed siak. Kanyan andi ak la ed silong na ganggay kasalanan tan patey.

Lucas 11:46

Inmebat si Jesus, “Pakaskasi ki met, sikayo ran makabat ed Ganggan! Ipapasakbat yod arum a totoo ray ambelat a sasakbaten, balet ag yo gagalawey anggan tamoro yo ed pangiba yod sikara.

Isaias 58:6

“Say labay kon panagayuno saya: Okbar yoy golunggolung na panamairap tan ekal yoy pako na panagpikewet yo ed inkatonung, tan ibolus yo ray napapairap.

Deuteronomio 1:12

Balet panon kon sakbaten a bukor so belat na panariglod saray kolkolan yo?

Santiago 1:25

Balet siopamay manosisan maung ed nagnap a ganggan a mangibolus ed saray totoo, tan talagan imanoen to, ya ag to labat dengelen tan lingwanan, no ag ingen onuren to—bindisionan na Dios itan a too ed gawaen to.

Santiago 2:12

Kanyan manalwar kayod saray kagagawa tan pananalita yo, ta totoo kayon nasintinsiaan na ganggan a mangibobolus ed sikatayo.

2 Pedro 2:21

Maung ni komun ya ag da akabatay dalan a maptek nen say, anta akabatan da la, et imbeneg day masanton ganggan a niiter ed sikara.

2 Pedro 3:2

Labay kon nunoten yo lawas iray sinasalita nen saman na saray masanton propita, tan say ganggan na Katawan tan Manangilaban ya imbangat na saray apostol a nibakid sikayo.

1 Saray Awaran 19:12

Inkuanen Joab ed kinen Abisai, “No nanengneng mon tataloen ak na saray taga Siria, dago mo ak a tulongan, et no nanengneng ta kan tataloen na saray Ammonita, dagoen ta kan tulongan.