TAGA GALACIA 6:16 - Maung A Balita Biblia

¹⁶ Diad amin a mambibilay onung ed sayan totontonen, tan pati amin a totooy Dios—nawalaan ira komuy kareenan tan panangasiy Dios!

Maung a Balita Biblia

¹⁶ Diad amin a mambibilay onung ed sayan totontonen, tan pati amin a totooy Diosnawalaan ira komuy kareenan tan panangasiy Dios!

TAGA GALACIA 6:16 Referans Kwoze

TAGA GALACIA 3:29

No kayaryan kayo nen Cristo, kabyangan ki sirin na saray apo nen Abraham, tan tumatawir kayoy insipay Dios.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

Saray Taga Roma 4:12

Ontan met a sikatoy ama da ray asegat, aliwan lapu labat ta asegat ira, no ag lapud anisia ran singa si Abraham kasakbayan ya asegat.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Juan 1:47

Nen anengneng nen Jesus si Nataniel ya ondaragod sikato inkuanto, “Niay tuan Israelita ya ag manasaol na kapara ton too.”

Isaias 45:25

Siak, say Katawan, ilaban ko ray amin a kabyangan na boleg nen Jacob, et idayew da ak.

Saray Salmo 73:1

Peteg a say Dios maung so ipapanengneng tod Israel, diad saray malinis so puso ra.

FILIPOS 3:16

Anggan anto balet so kanunotan tayo, ituloy tayoy korang tayo, onung ed saray totontonen a totombuken tayo ya anggad natan.

TAGA GALACIA 5:25

Say Ispiritu so angiter ed sikatayoy bilay, kanyan sikatoy nepeg a mangiwanwan ed bilay tayo.

TAGA GALACIA 5:16

Saya so ibabagak ed sikayo: abuloyan yoy Ispiritu Santo a mangiwanwan na bilay yo, tan ag yo oonuren iray liket na inkatoo.

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

Juan 14:27

“Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

1 Saray Awaran 12:18

Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na “Saray Talomplo,” tan inkuanen Amasai, “Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo.” Maliket si David ya angawat ed sikara tan ginagawa to ran opisyal na saray sondalo to.

FILIPOS 4:7

Tan say kareenay Dios a palabsanan toy pakatalus na too so mangasikasod puso tan nunot yo, diad panamegley nen Cristo Jesus.

TAGA GALACIA 1:3

Itdan kayo komun na Dios ya Ama tan say Katawan tayo a Jesu-Cristo na bindision tan kareenan.

Saray Taga Roma 1:7

Kanyan susulaten ta kayo, amin yon wadtad Roma ya inararoy Dios tan tinawag ton magmaliw a totoo to: Itdan kayo komun na Dios ya Ama tayo tan say Katawan tayo a Jesu-Cristo na bindision tan kareenan.

TAGA-EFESO 6:23

Say kareenan tan aro a katekep na pananisia so iter komuy Dios Ama tan Katawan a Jesu-Cristo ed saray agagi.

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

Judas 1:2

Napano-pano kayo komuy panangasi, kareenan, tan aro.