TAGA GALACIA 5:7 - Maung A Balita Biblia

⁷ Maung la man komuy gagawaen yo! Siopay amatondad sikayo ed pangoonur yod katwaan?

Maung a Balita Biblia

⁷ Maung la man komuy gagawaen yo! Siopay amantondad sikayo ed pangoonur yod katwaan?

TAGA GALACIA 5:7 Referans Kwoze

1 CORINTO 9:24

Amta yon saray milulumba ombabatik iran amin, balet sakey labat ed sikara so makalay tumang. Batik kayo sirin a singa milulumba, pian makala kayoy tumang!

TAGA GALACIA 3:1

Makulang-kulang a taga Galacia! Siopay angekal na kalakal yo? Maliwliwawa la lantid mata yo so impatey nen Jesu-Cristo ed krus!

Saray Hebreo 12:1

Aliber itayoy amayamay a tasi, kanyan ikaindan ti la ray amin a makaskasbel ed sikatayo, tan say kasalanan ya ompepeket a malet ed sikatayo. Anosan tayon ituloy so batiken tayo ni.

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.

2 CORINTO 10:5

igegeba miy panagpaatagey ya onsumlang ed kakabatay Dios. Pasusukoen miy balang kanunotan tan patotoluken mid Cristo.

Saray Taga Roma 2:8

Balet baleg a sanuk tan pasnuk so ondapod saray masiblet tan manangibeneg na katwaan, ta totombuken day dalan na kaogsan.

Mateo 13:21

Balet ag onlalamut tan ag mansiasiansiad puso ra. Kanyan no onsabi lay kairapan a sikara lay napasegsegang makasengeg ed salitay Dios, bigla met la ran ombetel.

2 TESALONICA 1:8

Onsabin kaibay manliub ya apoy tan dusaen to ray ag makapikabat ed Dios tan saray ag ontoluk ed Maung a Balitan nipaakar ed Katawan tayon Jesus.

Saray Taga Roma 6:17

Balet, salamat ed Dios, ta sikayon gendat ya aripey kasalanan et nagmaliw ki lan maonur ed bangat ya inawat yo.

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

Saray Taga Roma 16:26

Nibawag la ya natan a katwaan diad panamegley na saray insusulat da ray propita; tan lapud ganggan na andi-anggaan a Dios, nipakabat ed saray amin a bansa pian manisia tan mangonur iray amin a katoowan.

Saray Taga Roma 15:18

Balet say nayarian ko labat a bitlaen et say ginawa nen Cristo diad panamegley ko, a salanti say impangiwanwan kod saray Hintil a mangonur irad Dios diad panamegley na saray salitak tan gawak,

Saray Taga Roma 10:16

Balet ag inawat na amin a katoowan so Maung a Balita. Si Isaias kuanto, “Katawan, siopay anisiad impulong mi?”

Saray Hebreo 11:8

Lapud pananisia, inmonur si Abraham nen say Dios et tinawag ton onlad bansa ya insipan ton iter ed sikato. Tinaynan toy nianakan ton dalin, anggaman ya ag to amtay laen to.

Saray Gawgawa 6:7

Kinmayat lan kinmayat so salitay Dios, tan diad Jerusalem dinmakel lan dinmakel iray mananisia. Amayamay iray pati paparin anisia.

TAGA GALACIA 2:2

Pinmawil ak ta impuyan na Dios ed siak ya onla ak diman. Akitongtong ak ed saray panguloy iglisia diad pasen ya anggapoy arum ya akadngel, tan impaliwawak ed sikaray Maung a Balita ya ipupulong kod saray Hintil. Ginawak ya, ta ag ko labay a magmaliw ya andi-kakanaan so sagput ko nen saman tan anggad natan.

TAGA GALACIA 5:10

Lapud pikakasakey tid Katawan, maniilalo ak ya ag mangomay kanunotan yo nipaakar ed saya, tan maniilalo ak met a dusaen na Dios so anggan siopa a toon manggugunigon ed sikayo.