TAGA GALACIA 4:26 - Maung A Balita Biblia

²⁶ Balet say mangatatawen a Jerusalem et aliwan aripen, tan sikatoy ina tayo.

Maung a Balita Biblia

²⁶ Balet say mangatatawen na Jerusalem et aliwan aripen, tan sikatoy ina tayo.

TAGA GALACIA 4:26 Referans Kwoze

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

FILIPOS 3:20

Sikatayo balet, say tawen so tuan bansa tayo tan dimay panlapway Katawan a Jesu-Cristo, say Manangilaban tayo a pampilpilalekan tayon alagden.

Puyan 21:2

Anengneng koy Masanton Siudad, say balon Jerusalem, ya onleleksab a nanlapud tawen tan nanlapud Dios. Onleleksab a singa nobian akaparaan ta akapales la ya onabet ed asawa to.

Puyan 3:12

Say manalo pagmaliwen kon sakey a lusek ed timploy Dios ko, tan ag to lan balut taynan. Imarkak ed sikatoy ngaran na Dios ko, tan say ngaray siudad na Dios ko, salanti say balon Jerusalem ya onakseb a manlapud tawen tan manlapud Dios ko. Imarkak met ed sikatoy balon ngaran ko.

Isaias 66:10

Miliket kayod Jerusalem; manggayaga kayo para sikato, amin yon mangaaro ed sayan siudad. Miliket kayo natan ed sikato, amin yo a nanermen lapud sikato!

TAGA GALACIA 4:22

Ibabaga to a duaran lalaki ray ilalak nen Abraham, say sakey diad biin aripen tan say sakey diad biin aliwan aripen.

Saray Taga Roma 6:18

Nibolus ki lad kasalanan tan natan, aripen ki lay katonungan.

Saray Taga Roma 6:14

Ta ag nepeg a manoley so kasalanan ed sikayo, ta aliwa ki lan walad silong na ganggan, no ag ta wala ki lad silong na baleg a panangaroy Dios.

Juan 8:36

Kanyan no imbolus ki lay Anak, petepeteg a nablus ki la.

Joel 3:17

“Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Isaias 65:18

Ando lan andon manliket tan manggayaga kayo komun ed palsaen ko. Say balon Jerusalem a gawaen ko et napano na liket, tan manliket iray totoo to.

Oseas 4:5

Labi-agew a manggagawa kayoy kaogsan; ontan da met iray propita. Deralen ko so Israel ya ina yo.

Oseas 2:2

Anak ko, pitongtongan yoy ina yo—anggaman ya ag ko la asawa, tan ag to ak la asawa. Pikasi yod sikato a tondaan to lay marotak a gagawaen to tan say pikakaloguran to.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

1 Pedro 2:16

Bolus kayo, balet ag yo gagawaey inkabolus yo a panakbung na antokaman a kaogsan, no ag ingen mambilay kayon aripey Dios.

TAGA GALACIA 5:1

Walad sikatayoy kawayangan, ta imbolus itayo nen Cristo! Pansiansia yon malet sirin yan kipapasen yo, tan ag kayo papaaripen lamet.

Isaias 52:9

Ikasil yoy pankanta yo lapud liket, sikayo ran deral-deral na Jerusalem! Ta say Katawan iyagel toy siudad to tan ligliwaen to ray totoo to.

Puyan 17:5

Nisulat ed muling toy sakey a ngaran a niamut so kabaliksan to: “Say Makapanyarin Babilonia, ina da ray marotak tan mabanday a bibii ed intiron mundo.”

TAGA GALACIA 4:25

Iyaaliling nen Agar so Palandey na Sinai ed Arabia, tan sikatoy mangilalaman ed peles a siudad natan na Jerusalem a nagmaliw ya aripen tan saray totoon manaayam diman.

Puyan 12:1

Kasumpal to ya, linmetaw ed tawen so makapakelkelaw a sinyal: sakey a biin say agew so kawes to, say bulan so tinoonan da ray sali to, tan nankoronay labinduan bitewen so olo to.