TAGA GALACIA 4:18 - Maung A Balita Biblia

¹⁸ Anggapoy kaogsay mangimasakit, dapot maung so getma; tua ya lawas, aliwa a no kaiba yo ak labat!

Maung a Balita Biblia

¹⁸ Anggapoy kaogsay mangimasakit, dapot maung so getma; tua ya lawas, aliwa a no kaiba yo ak labat!

TAGA GALACIA 4:18 Referans Kwoze

FILIPOS 2:12

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo,

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

FILIPOS 1:27

Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

TAGA GALACIA 4:13

Amta yo met a say pansasakit ko so makasengeg na impangipulong kod sikayoy Maung a Balita.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

Saray Salmo 119:139

Singa apoy a mamopool ed siak so pasnuk ko, lapud ag ikabkabilangan na saray kalaban ko iray ganggan mo.

Juan 2:17

Anunotan na saray disipulo so walad Masanton Sulat: “Say panangisakit kod abung mo et singa manliub ya apoy ed pusok.”

Isaias 59:17

Isolung ton singa kawes a mital ed pagew to so inkatonung, tan singa hilmit so pakayarin mangilaban. Kawesan toy sikaton dili na ontan lan pampilalek a mametek ed saray pikewet tan say panusa tan pamales ed saray maoges a paniirapan na saray totoo.

Saray Salmo 69:9

Say panangarok ed Timplom et singa apoy a mamopool ed siak; siak so pepelagan da ray panagpabaing dad sika.

TAGA GALACIA 4:20

Oy la komun ta kaarap ta kayo natan pian naoman koy pitotongtong kod sikayo, ta talagan mapaga ak ed sikayo!

TAGA GALACIA 4:17

Imamasakit da ki ray arum a totoo, balet aliwan maung so getma ra. Labay da labat ya iyarawi da kayod siak pian sikara lay arapen yo.