TAGA GALACIA 4:13 - Maung A Balita Biblia

¹³ Amta yo met a say pansasakit ko so makasengeg na impangipulong kod sikayoy Maung a Balita.

Maung a Balita Biblia

¹³ Amta yo met a say pansasakit ko so makasengeg na impangipulong kod sikayoy Maung a Balita.

TAGA GALACIA 4:13 Referans Kwoze

1 CORINTO 2:3

Kanyan makapoy, natatakot, tan manggiwgiw ak ya akiarapad sikayo.

TAGA GALACIA 1:6

Mankelaw ak no akin et agaylay siglat yon mangibebeneg ed Dios ya anawag ed sikayo diad panamegley na baleg a panangaro nen Cristo, tan ontotombuk ki lad sananey a maung a balita.

2 CORINTO 11:30

No nakaukolan a mampasirayew ak, saray kakapoyan koy ipasirayew ko.

2 CORINTO 11:6

Nayarin makapoy ak ed pananalita, balet aliwa ak a kulang ed kakabatan. Impalinew mi la yad sikayo diad amin a pankanawnawa mi.

2 CORINTO 10:10

Ibabaga ra, “Ambelat tan mabiskeg so panagsulat to, balet diad arap-arapan anggapoy nagawaan to tan andi-kakanaan iray salita to!”

2 CORINTO 13:4

Ta anggaman a sikatoy makapoy nen impasak ed krus, mambibilay natan lapud pakayariy Dios. Diad pikakasakey ed sikato makapoy kami met, balet diad pipiolup mid sikayo kaiba min mambibilay lapud pakayariy Dios.

Saray Gawgawa 16:6

Nambiahi ra di Pablo, Silas, tan Timoteo ed pasen a nasasakopan na Frigia tan Galacia, lapud sinebelan ira na Ispiritu Santo a mampulong irad Asia.

Mateo 4:23

Niliber nen Jesus so intiron Galilea a nambabangat ed saray sinagoga. Nampupulong na Maung a Balitan nipaakar ed Panarian, tan pinapaabig to met ya amin iray a totoon walay sasakiten tan liliknaen.

TAGA GALACIA 4:12

Kerewen kod sikayo, agagi, ya alig yo ak ta nagmaliw ak met a singa sikayo. Anggapoy kaogsan a ginawa yod siak.

TAGA GALACIA 4:14

Balet ag yo ak binalaw o impolisay lapud liliknaen na laman ko, anggaman a sakey yan baleg a subok ed sikayo. Inawat yo ak ingen a singa anghil na Dios, tan nagkalalo ni, singa si Cristo Jesus!

TAGA GALACIA 4:18

Anggapoy kaogsay mangimasakit, dapot maung so getma; tua ya lawas, aliwa a no kaiba yo ak labat!

Levitico 13:40

No say sakey a too et ayangyangan ed beneg na olo to odino diad arap na olo to, sikatoy aliwan marotak no ag ta yangyangan labat.