TAGA GALACIA 4:12 - Maung A Balita Biblia

¹² Kerewen kod sikayo, agagi, ya alig yo ak ta nagmaliw ak met a singa sikayo. Anggapoy kaogsan a ginawa yod siak.

Maung a Balita Biblia

¹² Kerewen kod sikayo, agagi, ya alig yo ak ta nagmaliw ak met a singa sikayo. Anggapoy kaogsan a ginawa yod siak.

TAGA GALACIA 4:12 Referans Kwoze

2 CORINTO 2:5

No walad sikayoy amaermen na siopaman, aliwan siak so pinaermen to no ag sikayo, o nayarin pigarad sikayo, ta ag ko labay a mapeget ak a maung ed sikato.

1 Saray Arari 22:4

Inkuanen Acab ed kinen Josafat, “Mila ka pad sikamin mibakal ed Ramot-galaad.” Inmebat si Josafat, “No akaparaan kayo la, akaparaan kami met la. Mikasakey kamid sikayon mibakal.”

Genesis 34:15

Onabuloy kami labat no magmaliw kayon singa sikami, diad pamasegat yod amin a lalaki ed sikayo.

TAGA GALACIA 6:14

Balet no para siak, anggapo lay arum a pampasirayewan ko no ag say krus labat na Katawan tayon Jesu-Cristo; ta diad panamegley na krus to, say sankamundoan inatey la para siak, tan inatey ak la para sankamundoan.

TAGA GALACIA 2:14

Nen anengneng kon ag ira mambibilay na maptek onung ed katwaan na Maung a Balita, inkuankod kinen Pedro diad arap dan amin, “No sika, anta Judio ka et mambibilay kan singa Hintil, ya aliwan singa kabibilay na Judio, panon mon napasoot iray Hintil a mambilay a singa saray Judio?”

2 CORINTO 6:13

Pitotongtongan ta kayo a singa ta kayo anak, kanyan lokasan yoy puso yon mangawat ed sikami, a singa gagawaen mid sikayo.

Saray Gawgawa 21:21

Abalitaan dan ibabangat mod saray Judion manaayam ed saray bansan Hintil a lingwanan da lay Ganggan nen Moises. Ibabagam met konon ag da la tandaay segat iray anak da, tan ag da la tombuken iray kaogaliyan da ray Judio.

TAGA GALACIA 6:18

Agagi, nawalaan kayon amin komuy bindision na Katawan tayon Jesu-Cristo. Amen.

2 CORINTO 6:11

Kakaaron taga Corinto! Anggapoy iyaamut mid sikayo. Ibabaga miy amin a logay puso mi.

TAGA GALACIA 4:11

Mapaga ak, ta ompan magmaliw ya andi-kakanaan so impansasagput kod sikayo.

TAGA GALACIA 4:13

Amta yo met a say pansasakit ko so makasengeg na impangipulong kod sikayoy Maung a Balita.