TAGA GALACIA 2:17 - Maung A Balita Biblia

¹⁷ No sikamin manaanap na pakapaandiy kasalanan ed arap na Dios diad panamegley na pikakasakey ed Cristo et narumog a mankakasalanan kami met, labay to ya kasin ibaga a si Cristo so panlalapway kasalanan? Andin balut!

Maung a Balita Biblia

¹⁷ No sikamin manaanap na pakapa-andiy kasalanan ed arap na Dios diad panamegley na pikakasakey ed Cristo et narumog a mankakasalanan kami met, labay to ya kasin ibaga a si Cristo so panlalapway kasalanan? Andin balut!

TAGA GALACIA 2:17 Referans Kwoze

1 Juan 3:5

Amta yo a pinmanengneng si Cristo a mangekal ed saray kasalanan na katoowan, tan anggapoy kasalanan to.

TAGA GALACIA 2:15

Anggaman ya inanak kamin Judio, tan aliwan Hintil a makasalanan,

Saray Taga Roma 11:7

Anto natan ey? Ag agamuran na saray totood Israel so anapen da. Saray pinili na Dios labat so akagamur; inmawet so puso da ray arum.

Saray Hebreo 8:2

Manlilingkur a Pangulon Pari ed Sankasantosan a Pasen, a salanti diad tuan tulda ya impaalagey na Katawan, aliwan say too.

TAGA GALACIA 3:21

Labay to yan ibaga kasi a say Ganggan et sumlang ed saray sipay Dios? Andi! Ta no niiter so sakey a ganggan a makapangiter na bilay ed katoowan, say too sirin magmaliw a matonung ed arap na Dios diad panamegley na ganggan.

TAGA GALACIA 2:11

Nen walad Antiokia si Pedro, sinumlang kod lupa-lupaan ta malinew ya aliway ginawa to.

Saray Taga Roma 15:8

Ta ibabagak ed sikayo a nagmaliw a managlingkur si Cristo ed saray Judio, pian nipanengneng ton matoor so Dios, napatwa to ray sipay Dios ed saray lalaki ra,

Saray Taga Roma 3:6

Andin balut! No aliwan matonung so Dios, panon ton sintinsiaay sankamundoan?

Saray Taga Roma 3:4

Andi! Nepeg a matoor ed katwaan so Dios anggaman a matilan amin iray katoowan, ta onung na ibabagay Masanton Sulat, “Saray salitam so mangipatnag a maptek ka; tan manalo ka no sikay naakusa.”

Mateo 1:21

Mananak na laki. Jesus so ingaran mod sikato, ta sikatoy mangilaban ed saray totoo tod saray kasalanan da.”

Lucas 20:16

“Onlan papatey to ra man a totoo, insan to ipaasikasoy kaubasan ed saray arum.” Nen nadngel ya na saray totoo inkuanda, “Ag komun nagawa tan!”

TAGA GALACIA 6:14

Balet no para siak, anggapo lay arum a pampasirayewan ko no ag say krus labat na Katawan tayon Jesu-Cristo; ta diad panamegley na krus to, say sankamundoan inatey la para siak, tan inatey ak la para sankamundoan.