TAGA GALACIA 2:14 - Maung A Balita Biblia

¹⁴ Nen anengneng kon ag ira mambibilay na maptek onung ed katwaan na Maung a Balita, inkuankod kinen Pedro diad arap dan amin, “No sika, anta Judio ka et mambibilay kan singa Hintil, ya aliwan singa kabibilay na Judio, panon mon napasoot iray Hintil a mambilay a singa saray Judio?”

Maung a Balita Biblia

¹⁴ Nen anengneng kon ag ira mambibilay na maptek onung ed katwaan na Maung a Balita, inkuankod kinen Pedro diad arap dan amin, No sika, anta Judio ka et mambibilay kan singa Hintil, ya aliwan singa kabibilay na Judio, panon mon napasoot iray Hintil a mambilay a singa saray Judio?

TAGA GALACIA 2:14 Referans Kwoze

TAGA GALACIA 2:5

balet ag mi ran balut pinagustoan ed labay dan gawaen, pian mansiansian para sikayo so katwaan na Maung a Balita.

Saray Gawgawa 10:28

Inkuanto, “Kabat yo a sebel ed sakey a Judio so mikaaro odino ombisitad aliwan Judio. Balet impaamtay Dios ed siak ya ag ko ipasen a marotak o ag manepeg a piolupan so anggan siopa.

1 Timoteo 5:20

Pampasnukan mod arap na totoo so toon nankasalanan, pian ontakot iray arum.

TAGA GALACIA 6:12

Saray totoon labay dan ipasirayew iray bengatlan nanengneng, sikaray mamapasoot a mampasegat kayo. Balet gagawaen da ya, ta ag da labay so napairap lapud krus nen Cristo.

Probirbio 2:7

Tutulongan tan iyaagel to so matonung, tan iyaagel tod kaatapan iray maptek so panagbilay da.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Saray Hebreo 12:13

Manakar kayod maptek a dalan, pian ag natuloyan a napiley iray sali yon alikda, no ag ingen onabig ira.

Saray Hebreo 9:10

Sarayan totontonen et nipaakar ira labat ed kakanen, iinomen, tan saray nandoroman panaglinis. Susumpalen ira labat nipaakar ed laman, tan walay kana ra labat anggad pangoman na Dios ed amin a bengatla.

TAGA GALACIA 2:9

Naamtaan di Santiago, Pedro, tan Juan, saray nabibirbir a lusek na iglisia, a say Dios so angiter ed siak na sayan nidoman kimey. Kanyan pinasamano da kami nen Bernabe a tanda na impangawat dad sikamin kakimeyan da. Nampapaknaan min onla kamid saray Hintil, tan onla ra balet ed saray Judio.

TAGA GALACIA 2:7

Abirbir da ingen a say Dios pinili to ak a mangipulong na Maung a Balita ed saray Hintil, a singa impamili tod kinen Pedro a mangipulong ed saray Judio.

Saray Taga Roma 14:14

Lapud pikakasakey kod Katawan a Jesus, amtak tan sisiaen ko ya anggapoy nakan a gendat lan marotak. Balet no ipasen na sakey a too a walay nakan a marotak tan ag nayarin kanen, ag nayari sirin a kanen to.

Saray Gawgawa 15:24

Abalitaan min wala ray totoon nanlapud sikami a linmad tan a nanggogoloy kaisipan yo lapud saray imbabaga ra. Balet nepeg yon kabaten ya ag mi ra ingganggan.

Probirbio 10:9

Arawid kaatapan iray totoon maptek so panagbilay da, balet naerel iray totoon pikewet so panagbilay da.

Saray Salmo 141:5

Nayarin dusaen tan pampasnukan ak na maung a too diad panangasi to, balet ag ko abuloyan a pagalangan ak na saray totoon maoges, ta ipipikasik lawas so sumpad maoges iran gawa ra.

Saray Salmo 58:1

Sikayon manoley matonung so panagsintinsia yo? Maptek so panagsintinsia yod amin a katoowan?

Saray Salmo 15:2

Say toon oonuren toy Dios, tan kamaungan lawas so gagawaen to, tua tan napanmatalkan iray salita to,

Levitico 19:17

“Ag yo bobosulen so siopaman a too, no ag ingen mipulangan kayod sikato, pian ag kayo mankasalanan lapud sikato.

TAGA GALACIA 2:3

Si Tito a kaibak, anggaman a sakey a Grigo, ag apasoot a tandaay segat.

Saray Gawgawa 15:1

Wala ray pigaran totoon nanlapud Judea a sinmabid Antiokia, tan imbabangat dad saray agagi, “Ag kayo nilaban no ag kayo natandaay segat, onung na ibabagay Ganggan nen Moises.”

Saray Gawgawa 15:5

Balet wala ray pigaran mananisia a kabyangan na saray Pariseo ya inmalagey tan inkuanda, “Nakaukolan a tandaay segat iray Hintil a mananisia, tan bilinen ira ya onuren day Ganggan nen Moises.”

TAGA GALACIA 1:6

Mankelaw ak no akin et agaylay siglat yon mangibebeneg ed Dios ya anawag ed sikayo diad panamegley na baleg a panangaro nen Cristo, tan ontotombuk ki lad sananey a maung a balita.

TAGA GALACIA 1:18

Kalabas na taloy taon linma ak ed Jerusalem ya ombisitad kinen Pedro. Labin limay agew kamin naniba.

COLOSAS 1:5

Nen sinmabin inmonad sikayoy katwaan na Maung a Balita, nadngel yoy ilalon iter to. Kanyan say pananisia tan panangaro yo niletneg ed ilalo yon nagamuran iray bengatlan niparaan para sikayo diad tawen.