TAGA GALACIA 2:13 - Maung A Balita Biblia

¹³ Inmalig met ed kinen Pedro iray arum ya agagin Judio; tan anggan si Bernabe akibabalid pansimpisimpitan da.

Maung a Balita Biblia

¹³ Inmalig met ed kinen Pedro iray arum ya agagin Judio; tan anggan si Bernabe akibabalid pansimpisimpitan da.

TAGA GALACIA 2:13 Referans Kwoze

1 CORINTO 15:33

Ag kayo patitilaan. “Saray maoges a kaolup deralen day maung a kagagawa.”

TAGA-EFESO 4:14

Aliwa itayo lad satan a singa saray ogogaw a mainomay a natanggoyur na anggan anton bangat—a singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

Saray Hebreo 13:9

Ag yo iyaabuloy ya ibalang kayoy nambabangil tan nidoma-doma ran bangat. Magmaung nin napabiskeg so linawa tayo diad panamegley na baleg a panangaroy Dios, nen say diad panamegley na pangonur ed saray ganggan a nipaakar ed panangan. Anggapoy nagugunggona da ray mangoonur ed sarayan ganggan.

1 CORINTO 8:9

Balet manalwar kayo, ta ompan lapud nayarian yoy mangan na antokaman et saya so makasengeg na pankasalanan da ray makapoy ed pananisia.

1 CORINTO 5:6

Maoges itan so panagpasirayew yo! Ag yo ta amtay kabaliksan na sayan balikas, “Say daiset a libadura napaalsa toy masa?”

Saray Gawgawa 4:36

Onyay ginawa nen Jose, sakey a Levitan taga Chipre, tan nginaranan na saray apostol na Bernabe (a say labay ton ibaga, “Managpabiskeg na Linawa”).

Ecclesiastes 10:1

Saray inatey ya apangat pabangeten day sambotilyan pabalingit; ontan met say daiset ya inkakulang-kulang deralen toy kakabatan tan kagalangan.

TAGA GALACIA 2:1

Kalabas na labinapat taon linma ak lamet ed Jerusalem a kaibak si Bernabe, tan impilak met si Tito.

1 CORINTO 12:2

Amta yo a nen aliwa ki nin mananisia, tinmotombuk kayod saray ag makasalitan talintaoy diriyos a lawas angibabalang ed sikayo.

Ecclesiastes 7:20

Anggapoy too diad tapew na dalin a manggagawa lawas na kamaungan tan ag balut mankasalanan.

Genesis 27:24

balet tinepet to lamet, “Sikan talagay Esau?” “On, siak,” ebat to.

Say Libro nen Job 15:12

Antoy mamapaawet na pusom? Akin et mandarlang iray matam ed pasnuk mod sikami?

Mateo 23:28

Ontan met, maumaung kayo diad pakanengneng na saray totoo, balet diad tuay tua, napno kayoy pansimpisimpitan tan kaogsan.”

TAGA GALACIA 2:9

Naamtaan di Santiago, Pedro, tan Juan, saray nabibirbir a lusek na iglisia, a say Dios so angiter ed siak na sayan nidoman kimey. Kanyan pinasamano da kami nen Bernabe a tanda na impangawat dad sikamin kakimeyan da. Nampapaknaan min onla kamid saray Hintil, tan onla ra balet ed saray Judio.

2 Samuel 16:19

Sakey ni, siopay panlingkuran ko, no ag say anak na dilin katawan ko? Nanlingkur ak ed amam, ontan met a manlingkur ak natan ed sika.”