TAGA GALACIA 1:16 - Maung A Balita Biblia

¹⁶ Et nen impaamta tod siak so Anak to, pian nipulong kod saray Hintil so Maung a Balitan nipaakar ed sikato, ag ko ya impanon ed anggan siopan too.

Maung a Balita Biblia

¹⁶ Et nen impaamta tod siak so Anak to, pian nipulong kod saray Hintil so Maung a Balitan nipaakar ed sikato, ag ko ya impanon ed anggan siopan too.

TAGA GALACIA 1:16 Referans Kwoze

Mateo 16:17

Inkuanen Jesus ed sikato, “Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

TAGA-EFESO 6:12

Ta saray kalaban tayo et aliwa ran totoo, no ag ingen saray maoges ya ispiritual a pakayari ed mangatatawen a mundo, saray manoley, saray walay pakayari, tan saray panguloy mundo ed sayan ambilonget a panaon.

TAGA-EFESO 3:1

Lapud saya, siak a si Pablo, say priso nen Cristo Jesus makasengeg ed sikayo ran Hintil, et mampipikasid Dios.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Saray Taga Roma 11:13

Saya met so ibagak ed sikayo ran Hintil: dapot apostol ak na saray Hintil, ikikinon koy panaglingkur ko,

Saray Gawgawa 22:21

Balet inkuan na Katawan, ‘Laka la, ta ibaki ta kad arawidiad kawalaan da ray Hintil.’”

Saray Gawgawa 9:15

Balet inkuan na Katawan ed sikato, “Laka la, ta sikatoy pinilik a manlingkur ed siak. Sikatoy mangipaamtay ngaran ko ed saray Hintil, saray arari, tan saray totood Israel.

Mateo 26:41

Mampuyat tan mampikasi kayo, pian ag kayo napelag ed tukso. Sipaparaan so ispiritu, balet makapoy so laman.”

Deuteronomio 33:9

Impanengneng dan baleg so panangaro rad sika Nen say panangaro rad saray atateng, agagi, odino anak da. Inonur da ray ganggan mo Tan matoor irad impisipanan mod sikara.

Saray Hebreo 2:14

Lapud sarayan anak et totoo ran walay laman tan dala, si Jesus et nagmaliw a too a singa sikara. Ginawa to ya pian diad panamegley na impatey to, naderal toy Diablo a walay pakayari tod patey.

2 Timoteo 1:11

Say Dios pinili to ak ya apostol a mampulong tan mambangat na Maung a Balita,

1 Timoteo 2:7

Lapud saya, atoro ak ya apostol tan bumabangat ed saray Hintil, pian nipulong kod sikaray nipaakar ed pananisia tan katwaan. Katwaay ibabagak, ag ak mantitila!

1 TESALONICA 2:16

Labay da ni ingen a patondaen kami ed pangipupulong mid saray Hintil na Maung a Balitan kilabanan da. Napno da lay bayung na kasalanan, kanyan sinmabin siansiay pasnuk na Dios ed sikara!

TAGA GALACIA 2:1

Kalabas na labinapat taon linma ak lamet ed Jerusalem a kaibak si Bernabe, tan impilak met si Tito.

2 CORINTO 5:16

Kanyan natan, say pangamta miy siopaman et aliwa lan onung ed panagsintinsiay too. Nen inmona, onyay impangamta mid Cristo, balet aliwa lan onya natan.

1 CORINTO 15:50

Sayay labay kon ibaga, agagi: say walay laman tan dala to, ag to natawir so Panariay Dios, tan say laman a naboluk, ag to natawir so ag naboluk.

Saray Gawgawa 5:42

Inagew-agew, diad Timplo tan diad saray kaabungan, intuloy day nambabangat tan nampupulong na nipaakar ed kinen Jesus, say Cristo.

Saray Gawgawa 9:20

Linmoob ed saray sinagoga tan nampupulong a tampol na nipaakar ed kinen Jesus. “Sikatoy Anak na Dios,” inkuanto.

Saray Taga Roma 1:5

Diad panamegley to, inawat mid Dios so baleg a panangaro to tan say inkaapostol, pian natanggoyur min manisia tan mangonur ed Cristo iray amin a katoowan.