TAGA-EFESO 6:10 - Maung A Balita Biblia

¹⁰ Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

Maung a Balita Biblia

¹⁰ Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

TAGA-EFESO 6:10 Referans Kwoze

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

1 CORINTO 16:13

Manalwar kayo, mampabiskeg kid pananisia, mampakpel kayoy linawa, tan mampabiskeg kid laman yo.

1 Pedro 5:10

Kasumpal na panirap yon magano, say Dios a sobul na amin a panangaro tan sikatoy anawag ed sikayon minabang ed andi-anggaan a kagalangan to, diad panamegley na pikakasakey ed Cristo, et pagmaliwen to kayon ayadyari, pabiskegen, tan paeleten to kayo.

COLOSAS 1:11

Napabiskeg kayo komun ya amin diad tulong na mapagalang a pakayariy Dios, pian maliket yon nitepel iray amin a bengatla.

TAGA-EFESO 1:19

tan no panoy ontan lan kabiskeg na pakayari ton mankikimey ed sikatayo ran mananisia. Sayan pakayarid sikatayo et kapara to may pakayariy biskeg na Dios

TAGA-EFESO 3:16

Kekerewen kod sikato, onung ed ontan lan kagalangan to, ya itdan to kayo komuy pakayarin mamabiskeg ed maispiritun bilay yo diad panamegley na Ispiritu to.

2 Timoteo 4:17

Balet inibaan tan pinabiskeg ak na Katawan, kanyan ayarian kon impulong a sigput so salita, pian narengel na saray amin a Hintil; tan nilaban ak ed sangiy lion.

Isaias 40:28

Ag yo amta? Ag yo ni nadngelan? Say Katawan so andi-anggaan a Dios; pinalsa to so sankamundoan. Ag balut nakesawan odino napunaw. Anggapoy makatalus na kanunotan to.

2 Timoteo 2:1

Sika, anak kon Timoteo, mampabiskeg kad panamegley na panangasin agamuran tayo diad pikakasakey ed Cristo Jesus.

2 Saray Awaran 15:7

Balet pabiskeg yoy linawa yo, tan ag yo pakakapoyey sikayon dili. Natumangan iray kimey yo.”

Aggeo 2:4

Balet mampabiskeg kayoy linawa, sikayon amin. Ituloy yoy kimey yo, ta siak so kaiba yo.

Saray Salmo 138:3

Inebatan mo ak nen tinmawag ak ed sika; pinabiskeg mo ak na pakayarim.

FILIPOS 4:8

Kaonuran ni, agagi, nepeg a pinunot yo ray bengatlan maabig tan nepeg ya itanduro: saray matwa, masimpit, maptek, malinis, makaayayat, tan mapagalang.

Zacarias 8:13

Sikayo ran totood Juda tan Israel! Nen saman saray sangkaili mansasambaan ira ya ikuandad sakey tan sakey, ‘Ondapo met komun ed sika so deral a singa samay deral a dinmapo ed Juda tan Israel!’ Balet ilaban ta kayo, insan saraman a sangkaili ikuandad sakey tan sakey, ‘Nagamuran mo met komun so bindision a singa samay bindision ya agamuran na Juda tan Israel!’ Kanyan pabiskeg yoy linawa yo, ag kayo ontatakot.”

1 Saray Awaran 28:10

Nepeg mon nunoten a say Katawan pinili to kan mangipaalagey na masanton Timplo to. Pabiskeg moy linawam—ipaalagey mo.”

1 Samuel 23:16

Nilad man nen Jonatan, pinabiskeg toy linawa to tan impanonut to ya ag paolyan na Dios.

Zacarias 8:9

“Mampabiskeg kayoy linawa! Narerengel yo natan ira may salitan imbabaga na saray propita diad samay panaon a nililira so pundasion diad pamapasimbaloy kipaalagey na Timplo.

Deuteronomio 31:23

Insan say Katawan akisalitad kinen Josue a lakin anak nen Nun tan inkuantod sikato, “Pabiskeg moy linawam tan manmatalek ka. Ipangulom iray Israelita ya onlad dalin ya insipan kod sikara, et olupen ta ka.”

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

FILIPOS 3:1

Kaonuran, agagi, manliket kayo ed Katawan. Ag ak onsawan mangolit-olit a mangisulat ed sikayo ra yan bengatla; andi bali ta pankaabigan yo met lamlamang.

1 Pedro 4:11

Sarag moy mampulong? Ipulong moy salitay Dios. Sarag moy manlingkur? Ikanam ed panaglingkur so biskeg ya inter na Dios ed sika; diad ontan, napagalangay Dios ed amin a bengatla, diad panamegley nen Jesu-Cristo. Kayaryan na Dios so galang tan pakayari ed ando lan ando! Amen.

1 Juan 2:14

Susulaten ta kayo, anak, ta kabat yoy Ama. Susulaten ta kayo, kaamaan, ta kabat yo may wala la nanlapud gapoy gapo. Susulaten ta kayo, tubon-balon lalaki, ta mabiskeg kayo; say salitay Dios walad sikayo tan tinalo yo may Maoges.