TAGA-EFESO 6:1 - Maung A Balita Biblia

¹ Sikayo ran anak, toluk kayod saray atateng yo, ta sikato yay manepeg a gawaen, onung ed linaway Katawan.

Maung a Balita Biblia

¹ Sikayo ran anak, toluk kayod saray atateng yo, ta sikato yay manepeg a gawaen, onung ed linaway Katawan.

TAGA-EFESO 6:1 Referans Kwoze

Probirbio 23:22

Dengel kad amam; no anggapo, anggapoy bilay mo. No akolaw lay inam, ipanengneng mod sikatoy utang na linawam.

Probirbio 6:20

Anak ko, onur moy ganggan na amam tan ag mo lilingwanan so bangat na inam.

Probirbio 1:8

Anak ko, dengel moy ibabaga na amam tan inam.

Deuteronomio 21:18

“Antoy gawaen no bilang ta walay sakey a too a walay sakey ya anak ton laki ya anawet so olo to tan bangar, sakey ya anak ya ag ontoluk ed saray ateng to, anggaman a dudusaen da?

Levitico 19:3

Balang sakey ed sikayo et nepeg a pangalangan toy ina to tan say ama to, tan nepeg a ngilinan toy Agew na Panagpainawa, onung na ingganggan ko. Siak so Katawan a Dios yo.

1 Timoteo 5:4

No say sakey a balon bii et wala ray anak o apo to, saratan ya anak o apo et nepeg a gawaen dan manonaan so kanepegan dad pamilya ra, ta diad ontan makabales iray utang dan maung a linawa ed saray atateng da. Makapaliket ya ed Dios.

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Dios—no anto so maung, makapaliket ed Dios, tan ayadyari.

Probirbio 30:17

Say toon luludlureyen toy ama to odino balbalawen toy akolaw lan ina to et nepeg a kanen na saray buitri, odino ipatoktok ed saray wawak ed katakelan iray mata to.

Saray Taga Roma 7:12

Masanto sirin so Ganggan, tan amin ya ibabagay ganggan et masanto, matonung, tan maung.

Lucas 2:51

Kaiba ran pinmawil si Jesus ed Nazaret, tan matoluk ed saray atateng to. Inyatol nen ina to ra yan amin ed puso to.

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

1 Pedro 2:13

Lapud Katawan, toluk kayod saray manoley: diad Impirador a sikatoy sankatageyan a manoley,

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Probirbio 30:11

Wala ray totoon isasamba ray kaamaan da, tan ag da pisasalamatan iray kainaan da.

Genesis 28:7

Nalmoan ton inonur nen Jacob so ama tan ina to, tan linman tuad Mesopotamia.

Saray Salmo 19:8

Maptek iray ganggan na Katawan, tan pagagayagaen day puso. Matonung iray ganggan to, tan liliwawaan day pakatalus.

Ester 2:20

Balet ag ni imbaga nen Ester a sikatoy sakey a Judio. Imbagad sikato nen Mardokeo ya ag to ibabagad siopaman, et inonur ton singa impangoonur tod sikato nen ogaw nin aasikasoen nen Mardokeo.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

Saray Taga Roma 16:2

Lapud Katawan, awat yo onung na kanepegan a gawaen da ray totooy Dios, tan iter yo pay antokaman a nakaukolan tod sikayo, ta amayamay iray tinulongan to, tan siak so sakey ed sikara.

Saray Salmo 119:75

Amtak, Katawan, a maptek iray sintinsiam; amtak met a dinusa mo ak ta matoor ka.

Genesis 37:13

inkuanen Jacob ed kinen Jose, “Laen mo ra may agagim dimad Sikem a kawalaan dan pampapastolan.” Inmebat si Jose, “On, ama.”

Jeremias 35:14

Inonur na saray kabyangay boleg nen Jonadab so ganggan to ya ag ira oninom na alak, tan anggad natan anggapod sikaray oniinom na alak. Siak balet, ag yo ak oonuren anggaman ya ag ak ontotondan misasalitad sikayo.

Nehemias 9:13

Manlapud tawen inmakseb kad Palandey na Sinai, insan kad man akisalitad saray totoo; initdan mo ra na saray maung a ganggan, saray maptek a bangabangat.

1 Samuel 17:20

Diad kaimbuas, asaksakbay a binmangon si David, impaasikaso tod sananey a too iray karniro, inala to may kakanen, tan linma la, onung na imbaga nen Jesse ed sikato. Nen sinmabid kampo, duga-rugan mandarasig lan mibakal iray Israelita tan maneeyag-eyag ira.

Saray Salmo 119:128

Kanyan oonuren ko ray amin a bili-bilin mo; kabusol kon amin iray maoges a kagagawa.

Ruth 3:5

Inmebat si Ruth, “Gawaen koy amin ya imbaga yo.”

Jeremias 35:8

Inonur mi ray amin a bilin ed sikami nen Jonadab. Ag kami oniinom na alak, anggan saray kaasawaan mi, saray lalakin anak mi, odino saray bibiin anak mi.

Jeremias 35:18

Insan imbagak ed saray kabyangay boleg nen Recabita a say Katawan a Makapanyarin-amin a Dios na Israel kuanto, “Inonur yoy ganggan nen laki yon Jonadab; sinumpal yo ray bangat to, tan ginawa yo ray amin ya ingganggan tod sikayo.

Genesis 48:12

Inala nen Jose ira may ogogaw ed akwalan nen Jacob tan dinmakmomon anggad dalin so lupa to.

Genesis 50:12

Kanyan ginawa na saray lalakin anak nen Jacob so ingganggan tod sikara: