TAGA-EFESO 5:6 - Maung A Balita Biblia

⁶ Ag yo aabuloyan a napalikdo kayoy siopaman diad panamegley na andi-kakanaan iran salita, ta sarayan gawa so makasengeg na pampasnuk na Dios ed saray totoon ag ontotoluk ed sikato.

Maung a Balita Biblia

⁶ Ag yo aabuloyan a napalikdo kayoy siopaman diad panamegley na andi-kakanaan iran salita, ta sarayan gawa so makasengeg na pampasnuk na Dios ed saray totoon ag ontotoluk ed sikato.

TAGA-EFESO 5:6 Referans Kwoze

Saray Taga Roma 1:18

Ta nipaamta a manlapud tawen so sanuk na Dios ed amin a kasalanan tan kaogsan da ray totoon mamapaer na pangipakabat na katwaan, lapud kaogsan da.

Mateo 24:4

Inmebat si Jesus, “Manalwar kayo tan ag kayo palilingo ed siopaman.

COLOSAS 2:8

Manasikaso kayo sirin, pian ag ki nasamsam na anggan siopa diad panamegley na andi-kakanaan tan makabalang a kakabatay too a manlalapud nipatawir iran bangabangat tan manlalapud saray manangiwanwan na sayan mundo, aliwan manlalapud Cristo.

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.

COLOSAS 3:6

Lapud saraya, onsabiy pasnuk na Dios ed saray ag onoonur ed sikato.

Marcos 13:5

Inkuanen Jesus ed sikara, “Manalwar kayo tan ag kayo palilingo ed siopaman.

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

1 Pedro 2:8

tan, “Nagmaliw a katiruran a bato, tan kaparokulay totoo.” Atumba ra, ta ag ira inmonur ed salitay Dios; sikato yay ingganay Dios para sikara.

2 TESALONICA 2:3

Ag kayon balut patitilaan ed anggan siopa. Say Agew na Katawan et ag onsabi ya anggad nagaway kaonuran a Bakal a sumlang ed Dios tan say ipaway na samay Maoges a niganad andi-anggaan a dusa.

COLOSAS 2:4

Ibabagak ya, pian ag kayo nibalang na anggan siopa, diad panamegley na makaayat a pananalita.

Marcos 13:22

Ta dakel iray tila-tilan Cristo tan tila-tilan propita ya onsabi. Manggawa ray tanda tan pakelaw pian napalingo ra, no nayari, iray totoon piniliy Dios.

COLOSAS 2:18

Ag kayo paibabalang ed siopaman a mangipapasen ed sikaton dili a matalonggaring, lapud inkapuyanan to kono tan ipapasoot toy tila-tilan panagpaabeba tan say pangigalang ed saray anghil, balet diad tuay tua, mampapasirayew labat, ta kanunotay too labat so kanunotan to.

Saray Salmo 78:31

akapasnuk so Dios ed sikara, et pinatey to ray sankabiskegan ed sikara, saray sankamaungan a lalakin tobun-balo na Israel.

Saray Hebreo 3:19

Kanyan nanenengneng tayo ya ag ira akaloob ed dalin ya insipay Dios, lapud ag ira anisia.

Mikias 3:5

Saray totook et apalikdo ra na saray propitan mangisisipan na kareenan ed saray mambabayar ed sikara, balet tataktakoten dad bakal iray ag mambabayar. Say Katawan kuantod sarayan klasiy propita,

Jeremias 29:31

ya impaibagak ed amin a priso ed Babilonia ya onya so inkuanto nipaakar ed kinen Semaya: “Siak, say Katawan, dusaen koy Semaya tan amin a kabyangay boleg to. Ag ko imbaki, balet nansalitad sikayon singa propita, tan impanisia to kayod tila. Anggapoy nakeraan a kabyangay boleg to ed sikayo. Ompatey la kasakbayan na panggawak na kaabigan da ray totook. Ag to la naimatunan, lapud imbaga tod sikaran labanan da ak. Siak, say Katawan, so nansalita.”

2 Saray Arari 18:20

Inkuanto, “Abaloan yo amon naala na saray salita so pasen na talonggaring tan biskeg na saray sondalo? Siopay ilaloan yon ontulong ed sikad ilaban yod Asiria?

Jeremias 27:9

Ag yo dedengelen iray propita yo, odino siopaman a mangibabagan nayarian ton ipasakbay so nagawa ed arapen diad panamegley na saray kogip, odino diad panamegley na panawag tod saray ispiritu na saray inaatey, odino diad panamegley na salamangka. Ibabaga ran amin ya ag kayo nepeg a manlingkur ed ari na Babilonia.

Jeremias 37:9

Papasakbayan ta ka, siak a Katawan, ya ag mo papalikdoey sikan dili diad panilalom ya ag dia ompawil iray taga Babilonia, ta talagan ompawil ira.

Saray Hebreo 13:9

Ag yo iyaabuloy ya ibalang kayoy nambabangil tan nidoma-doma ran bangat. Magmaung nin napabiskeg so linawa tayo diad panamegley na baleg a panangaroy Dios, nen say diad panamegley na pangonur ed saray ganggan a nipaakar ed panangan. Anggapoy nagugunggona da ray mangoonur ed sarayan ganggan.