TAGA-EFESO 5:18 - Maung A Balita Biblia

¹⁸ Ag ki mambuebuek na alak, ta manderal labat ed sikayo; pampelengan yo ingen so kapano yoy Ispiritu.

Maung a Balita Biblia

¹⁸ Ag ki mambuebuek na alak, ta manderal labat ed sikayo; pampelengan yo ingen so kapano yoy Ispiritu.

TAGA-EFESO 5:18 Referans Kwoze

Probirbio 20:1

Say alak pagmaliwen to kan maingal tan makulang-kulang. Inkakulang-kulang so pambuwek.

Saray Taga Roma 13:13

Simpitan ti lay kagagawa tayo, ta singa tayo totoon mambibilay ed liwawa; ikaindan ti lay alablabas a panagliket tan say panagbuanges, ekalen ti met la ray mabanday a likeliket na laman, pankokolkol, tan paniimonan.

Lucas 1:15

Ta magmaliw a matalonggaring yan too ed arap na Dios. Ag oninom na alak o antokaman a makabuek. Napano la na Ispiritu Santo ya anggan wala nid eges nen ina to.

Isaias 5:22

Pakaskasi kayo la! Sarag yon tuay maninom na alak! Masebeg tan anggapoy takot yo no nipaakar ed pantimplay alak!

1 CORINTO 5:11

Say labay kon ibaga, ag yo pipiolupan so toon ipapasen toy sikaton dili a Cristiano, balet manggagaway inmoralidad, maagom, manangigalang ed saray talintaoy diriyos, managpabaing, buanges, odino matakew. Ag kayo anggan mirorongod satan a klasiy too.

Saray Gawgawa 11:24

Sayay Bernabe maung a too, napnoy Ispiritu Santo tan mabiskeg so pananisia to. Kanyan amayamay a totooy niasingger ed Katawan.

1 TESALONICA 5:7

Labi so kakaogip da ray totoo, tan labi met so panagbuek da.

Lucas 12:45

Balet no ikuanto yan aripen ed sikaton dili, ‘Mabayag nin onsabiy amok.’ Gapoan tod satan a kabilen iray arum ya aripen, laki man o bii, tan mangan, oninom, tan mambuwek.

Lucas 11:13

No sikayo, anta maoges kayo, et amta yoy mangiter na pankaabigay anak yo, lalo la sirin a say Aman walad tawen et iter toy Ispiritu Santo ed saray onkerew ed sikato.”

1 CORINTO 6:10

saray matakew, saray managlames, saray buanges, saray managpabaing, tan saray maagom—anggapod sarayan totoo so makatawir ed Panarian na Dios.

Tito 1:6

say matakken nepeg ya anggapoy pakabalawad sikato, sakey labat so asawa to, mananisia ray anak to, tan aliwa ran magolo-golo o benger.

Lucas 21:34

“Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Deuteronomio 21:20

Saramay ateng ikuandad saramay pangulo, ‘Anawet so olo na sayan anak mi, bangar, tan ag ontoluk ed sikami; mandadarak labat na kuarta tan buanges.’

1 CORINTO 11:21

Ta manlulumbaay balang sakey a mangay balun to, kanyan nanaerasan iray arum tan nabuebuek ni ra ingey arum.

Kanta nen Solomon 1:4

Ala mo ak, ta ombatik ita; sika so arik tan iyakar mo ak ed kuartom. Manliket itan dua, penepeneken tay sikaton dili ed panangaro a singa pampera na sakey a too ed alak. Ag pankelawan ya inaro ka na amin a bibii!

Genesis 9:21

Aminsan ya agew inminom na alak si Noe, et abuek; inekal toy amin a kawes tod laman to, insan akaogip ed dalem na tulda to.

Mateo 23:25

“Pakaskasi ki la, sikayon iskriba tan sikayon Pariseo! Mansimpisimpitan a totoo! Lilinisan yoy paway na tasa tan plato yo, balet napnoy dotak so dalem da ra ya, lapud inkaagum tan inkasiblet.

Isaias 25:6

Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundo—sakey a ponsian sankananaman iray kakanen tan sankaabigan iray alak ya isaklang.

Saray Salmo 69:12

Tongtongtongen da ak ed tindaan, tan saray buanges et manggagawa ra na saray kanta a nipaakar ed siak.

Mateo 24:49

Gapoan tod satan a lewet-leweten iray kapara ton aripen; mikan tan miinoman ed saray buanges.

Kanta nen Solomon 7:9

tan singa sankasamitan ya alak so sangim. Ontan sirin onagos komun a balibali so alak ed inarok, onagos ed saray bibil tan saray ngipen to.

Levitico 10:9

“Sika tan saray lalakin anak mo et ag nepeg ya onloob ed Tuldan Ayaman ko kayari yon oninom na alak odino arum nin mabayanin inomen, ta no gawaen yo ya, ompatey kayo. Sikato ya so sakey a ganggan a nepeg a sumpalen na amin a kabyangay boleg mo.

Juan 2:10

tan kuantod sikato, “Balang sakey ipainom ton onona so maung a klasiy alak, insan no akainom lan maung iray bisita, itombuk toy makapoy a klasi. Balet, sika, inyonur moy maung a klasiy alak.”