TAGA-EFESO 5:1 - Maung A Balita Biblia

¹ Alig yo so Dios, bangta anak to kayon inararo.

Maung a Balita Biblia

¹ Alig yo so Dios, bangta anak to kayon inararo.

TAGA-EFESO 5:1 Referans Kwoze

1 Juan 4:11

Inararo, no onyay impangaro na Dios ed sikatayo, nepeg met sirin a manaarowan itayo.

TAGA-EFESO 4:32

Ingen, mankakasiyan tan manaarowan kayo tan mampipirdonaan kayo, a singa impamirdonay Dios ed sikayo diad panamegley nen Cristo.

Mateo 5:48

Kanyan nakaukolan ya ayadyari kayo, a singa say ayadyarin Ama yo a walad tawen.”

COLOSAS 3:12

Sikayo ray piniliy Dios, masanto tan inararo to. Kanyan nepeg kayon maaro, mapangasi, mapaabeba, maoyamo, tan maanos.

Levitico 11:45

Siak so Katawan ya angipaway ed sikayod Egipto pian siak so magmaliw a Dios yo. Nepeg a masanto kayo, ta siak et masanto ak.

Juan 1:12

Balet inter tod amin ya angawat, saray amin ya anisiad sikato so pankanepegan a magmaliw ya anak na Dios.

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

FILIPOS 2:15

pian nipanengneng yon anak kayoy Dios, malinis tan anggapoy pakabalawan yod saray pilimugan yon totoon maoges tan makasalanan. Nepeg a liwawaan yo ra a singa panliliwaway bitewen ed tawen,