TAGA-EFESO 4:8 - Maung A Balita Biblia

⁸ Onung na ibabagay Masanton Sulat, “Nen inmatagey ed katagtageyan angawit na saray priso; tan angiter na langkap ed katoowan.”

Maung a Balita Biblia

⁸ Onung na ibabagay Masanton Sulat, Nen inmatagey ed katagtageyan angawit na saray priso; tan angiter na langkap ed katoowan.

TAGA-EFESO 4:8 Referans Kwoze

Saray Salmo 68:18

Onkakalab ed saray atagey a pasen, a sankaawit to ray amayamay a priso; mangaawat na saray rigalo da ray totoon mananumpa. Manayam diman so Dios a Katawan!

COLOSAS 2:15

Diad panamegley na impatey nen Cristo ed krus, dineral toy pakayari da ray maispiritun manoley tan saray walay betang. Singa ra ya adakep tan imparadad karaklan a pangipanengneng na impanalo to.

1 Samuel 30:26

Nen pinmawil ed Siclag si David, impawitan to ray kakaaro to, saray panguloy Juda, na saray asamsam tan impaibaga to, “Niay panangarok ed sikayo; kabyangan ya na saray asamsam mid saray kalaban na Katawan.”

Ester 2:18

Insan nanggawa na baleg a ponsia so ari a pamagalang ed kinen Ester; inimbitaan ton amin iray opisyal to tan saray manoley to. Imbawag tod intiron nanarian so sakey a pista opisyal, tan nambubunog na saray rigalon manepeg ya iter ed ari.

Saray Huis 5:12

Ipangulom, Debora, ipangulom! Ipangulom! Mankanta ka! Ipangulom! Kurang ka, Barac a lakin anak nen Abinoam; mankurang kan sankatengteng mo ray totoon adakep mo!

Probirbio 30:4

Siopa lay akagawan sigput so mangatatawen a pakaamta to? Siopa lay akaakup na dagem? Odino siopa lay akaponggos na danum ed panyo? Odino siopa lay akapangilira na saray ketegan na mundo? No amtam, ibagam no siopa? Siopay anak ton laki?

TAGA-EFESO 4:11

Sikatoy angiter na langkap ed saray totoo; wala ray tinoro ton magmaliw ya apostol, saray arum propita, saray arum ibanghilista, saray arum pastor tan bumabangat.