TAGA-EFESO 4:18 - Maung A Balita Biblia

¹⁸ tan ambilonget so pakatalus da. Anggapoy pinanabang dad bilay ya iiter na Dios, lapud anggapoy amta ra tan anawet so puso ra.

Maung a Balita Biblia

¹⁸ tan ambilonget so pakatalus da. Anggapoy pinanabang dad bilay ya iiter na Dios, lapud anggapoy amta ra tan anawet so puso ra.

TAGA-EFESO 4:18 Referans Kwoze

Mateo 13:15

ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.’

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

Juan 12:40

“Binulag na Dios iray kamataan da, tan pinaawet toy kapusoan da, pian ag ira makanengneng, ni makatalus, tan ag ira ompawil ed siak pian paabigen ko ra.”

1 TESALONICA 4:5

aliwan diad pangonur yo labat ed liket na laman, a singa gagawaen da ray Hintil ya ag makaamtad Dios.

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

COLOSAS 1:21

Nen saman, arawi kayod Dios tan nilabanan yo lapud saray maoges a ginagawa tan ninununot yo.

1 Juan 2:11

Balet siopamay mamobosul ed agi to, sikatoy wala ed kabilongetan; pankukurangan toy kabilongetan tan solingsoling, ta binulag na kabilongetan.

TAGA GALACIA 4:8

Nen ag yo ni kabat so Dios, aripen kayo ni na saray aliwan diriyos.

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Saray Gawgawa 17:30

Pinaolyay Dios iray panaon na anggapoy pikakabat na saray totoo ed sikato, balet natan igaganggan to ran amin diad inerman a pasen a mampatauli la ra.

1 CORINTO 1:21

Ta lapud kakabatay Dios, ag to inyabuloy a sikatoy nakabatay too diad panamegley na kakabatan na sankamundoan. Ingen nilabay ton ilaban iray totoon manisia diad panamegley na ipupulong min Maung a Balita ya ipapasen ya andi-kakanaan na sankamundoan.

Saray Taga Roma 2:19

anggapoy panduaruwam a sakey kan manangitabid saray bulag tan sakey kan silew ed saray walad kabilongetan;

Marcos 3:5

Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Daniel 5:20

Balet lapud nagmaliw a mapaatagey, anawet so puso, tan maruksa si amam, niepas ed trono to tan nakalan na kagalangan.

Saray Salmo 74:20

Nunot mo pay impisipanan mod sikami. Walay karuksaan a nagagawad amin ya ambilonget a sokung na dalin.

2 CORINTO 3:14

Balet anawet so olo da kanyan nasasakbungan nin siansiay kanunotan da, kapag basaen day daan a sipanan. Naekal yan sakbung no mikasakey ed Cristo so sakey a too.

Isaias 25:7

Diad saya bigla ton ekalen so lorem na ermen a manatarung ed amin da ray bansa.

Saray Gawgawa 3:17

“Natan sirin, agagi, kabat kon sikayo tan saray manoley yo et ag yo amtay ginawa yod kinen Jesus.

Saray Taga Roma 11:7

Anto natan ey? Ag agamuran na saray totood Israel so anapen da. Saray pinili na Dios labat so akagamur; inmawet so puso da ray arum.

1 CORINTO 2:8

Anggapoy anggan sakey a manoley ed sayan panaon so makaamta ed sayan kakabatan. Ta no amta ra komun, ag da impasak ed krus so Katawan na kagalangan.

TAGA-EFESO 2:1

Nen saman inaatey kayo lapud insusumlang yod ganggan tan impankakasalanan yo.

Saray Hebreo 5:2

Lapud wala met so dilin kakapoyan to, nayarian to ya anosan iray anggapoy amta tan nalilingo.

Saray Hebreo 9:7

Balet say Pangulon Pari labat so onloob ed kumadwan parti, tan mamimpinsan ed sakey taon. Walay awit ton dala ya ibagat ed Dios para sikaton dili tan kasalanan ya ag amtan nagagawaan na saray totoo.

1 Pedro 1:14

Toluk kayod Dios a singa katotoluk na anak, tan ag ki la papaiwanwan ed saray maoges a pilalek na laman yo nen ag yo ni amtay katwaan.

Ezekiel 14:5

Lapud saratan a talintao imbeneg ak na saray Israelita, balet ompawil komun so inkatoor dad siak diad panamegley na ebat ko.