TAGA-EFESO 3:6 - Maung A Balita Biblia

⁶ Saya so niamut a katwaan: diad panamegley na Maung a Balita, saray Hintil et kapara da ray Judio a mananawir na bindisioy Dios, nampara ran kabyangay saksakey a laman, tan minanabang irad sipay Dios lapud Cristo Jesus.

Maung a Balita Biblia

⁶ Saya so niamut a katwaan: diad panamegley na Maung a Balita, saray Hintil et kapara da ray Judio a mananawir na bindisioy Dios, nampara ran kabyangay saksakey a laman, tan minanabang irad sipay Dios lapud Cristo Jesus.

TAGA-EFESO 3:6 Referans Kwoze

1 Juan 2:25

Tan say insipan nen Cristo ya iter ed sikayo et say bilay ya andi-anggaan.

1 Juan 1:3

No antoy anengneng tan nadngel mi sikatoy ibaga mi met ed sikayo, pian nakaiba mi kayo ed pikakasakey mid Ama tan diad Anak ton Jesu-Cristo.

TAGA GALACIA 3:14

Dinondon to itayo pian say bindision ya insipay Dios ed kinen Abraham et nagamuran da ray Hintil diad panamegley nen Cristo Jesus, tan nagamuran tayo diad panamegley na pananisia so Ispiritu ya insipay Dios.

1 CORINTO 12:27

Amin yo sirin et saksakey a laman nen Cristo, tan balang sakey et kabyangan to.

COLOSAS 2:19

Ag to mikakasakey ed Cristo ya olo tan kawalaay pakayari ed intiron laman, a natatagano tan naooksuy na saray langolangowan tan olaolat. Sikatoy mamapabaleg ed laman, onung ed linaway Dios.

TAGA-EFESO 5:30

ta kabyangan itayo na laman nen Cristo.

TAGA-EFESO 5:7

Kanyan ag ki mibabalid saratan a klasiy totoo.

1 CORINTO 12:12

Si Cristo et singa sakey a laman ya amayamay so kabyangan to; anggaman a titibokeley nandoroman kabyangan, saksakey ni lamlamang yan laman.

Ezekiel 47:22

kayaryan yo ya anggad angga. No apagen yo so dalin nepeg a wala met so betang na saray sangkailin manaayam ed kawalaan yo tan nianak dia ray anak da. Nepeg ya ipasen yo ran singa say kipapasen na peteg ya Israelita tan nepeg a mikaot irad saray tribu na Israel diad pangala ray betang da.

TAGA GALACIA 5:24

Tan saray kayaryan nen Cristo Jesus et impasak da lad krus so inkatoo ra, pati saray maoges a liknaan tan pilalek to.

TAGA-EFESO 3:3

Say Dios impuyan tan impaamta tod siak so maamut a plano to. Nansulat ak lad sikayoy antikey nipaakar ed saya,