TAGA-EFESO 2:2 - Maung A Balita Biblia

² Diad saman a panaon tinombuk yoy maoges iran kagagawad sayan mundo; inonur yoy pangulo na saray maispiritun pakayarid tagey, say ispiritun manoley ed bilay da ray totoon ag ontotoluk ed Dios.

Maung a Balita Biblia

² Diad saman a panaon tinombuk yoy maoges iran kagagawad sayan mundo; inonur yoy pangulo na saray maispiritun pakayarid tagey, say ispiritun manoley ed bilay da ray totoon ag ontotoluk ed Dios.

TAGA-EFESO 2:2 Referans Kwoze

TAGA-EFESO 6:12

Ta saray kalaban tayo et aliwa ran totoo, no ag ingen saray maoges ya ispiritual a pakayari ed mangatatawen a mundo, saray manoley, saray walay pakayari, tan saray panguloy mundo ed sayan ambilonget a panaon.

1 Juan 5:19

Amta tayo a say Dios so akankayaryan ed sikatayo, tan walad silong na pakaoley na samay Maoges so sankamundoan.

TAGA-EFESO 2:3

Diad tuay tua kapara ti ra nen saman; nambilay itayo onung ed likeliket na laman, tan ginagawa tayoy antokaman a maoges a pilalek na laman tan kanunotan tayo. Kanyan onung ed inkatoo tayo kanepegan tayo nen saman, singa saray arum, so manliknay pasnuk na Dios.

Juan 12:31

Panaon lan nasintinsiaay sankamundoan. Nibantak la natan so manoley na sayan mundo.

TAGA-EFESO 5:6

Ag yo aabuloyan a napalikdo kayoy siopaman diad panamegley na andi-kakanaan iran salita, ta sarayan gawa so makasengeg na pampasnuk na Dios ed saray totoon ag ontotoluk ed sikato.

Juan 8:44

Say Diablo so ama yo, kanyan labay yon gawaen iray pilalek na ama yo. Sikatoy managpatey na too nanlapu lad gapo. Sumlang ed katwaan lawas, lapud anggapoy katwaan ed sikato. Ogali toy mantila, lapud sikatoy matila tan sikatoy ama na panagtila.

TAGA-EFESO 4:22

Ibeneg yo lay gendat a panagbilay yo. Paolyan yo lay daan ya inkatoo yo a nadederal lapud saray maoges a pilalek.

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

1 Juan 5:4

ta balang sakey ya anak na Dios nayarian ton taloen so sankamundoan. Say panatalo tayod sankamundoan et say pananisia tayo.

1 Juan 3:10

Say pandomaan na saray anak na Dios tan saray anak na Diablo et saya: siopamay ag manggagaway katonungan o ag to aaroey agi to, sikatoy aliwan anak na Dios.

1 Pedro 1:14

Toluk kayod Dios a singa katotoluk na anak, tan ag ki la papaiwanwan ed saray maoges a pilalek na laman yo nen ag yo ni amtay katwaan.

Puyan 20:2

Siningkat toy dragon, samay daan ya oleg a sikato met so Diablo, o Satanas, tan binalur tod loob na sanlibon taon.

1 Juan 4:4

Anak, kayaryan kayoy Dios tan tinalo yo ray tila-tilan propita, ta say Ispiritu a walad sikayo et makapanyari nen say ispiritu a walad mundo.

1 Pedro 4:3

Duga la may panaon a dinarak yo nen saman diad impanggagawa yoy labalabay a gawaen na saray Hintil; mabambanday a kagagawa, maoges a pilalek na laman, panagbuanges, alablabas a panagliket, panaginom na sankakaaro, tan say makarimdimlan panagdayew ed saray talintaoy diriyos.

COLOSAS 1:21

Nen saman, arawi kayod Dios tan nilabanan yo lapud saray maoges a ginagawa tan ninununot yo.

TAGA GALACIA 1:4

Pian nabolus itayod kaogsan a manooley ed sayan panaon, imbagat nen Cristo so bilay to lapud saray kasalanan tayo. Ginawa to ya, onung ed linaway Dios tan Ama tayo.

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Dios—no anto so maung, makapaliket ed Dios, tan ayadyari.

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.

1 CORINTO 5:10

Aliwan saray totoon pagano a manggagaway inmoralidad so labay kon ibaga, odino saray maagom, saray matakew odino saray manangigalang ed saray talintaoy diriyos. Ta napaliisan yo ra ya labat no andi ki lad sayan mundo.

Saray Gawgawa 5:3

Kanyan inkuanen Pedro, “Ananias, akin et impaoleyan moy pusom ed Satanas a pantilaen to kad Ispiritu Santo? Akin et binawasan moy kuartan inter mo?

Juan 15:19

No kayaryan kayoy sankamundoan, aroen kayoy sankamundoan lapud kayaryan to kayo. Balet natan aliwa kayon kayaryay sankamundoan, no ag ta pinili ta kayon nanlapud sankamundoan, kanyan bobosulen kayoy sankamundoan.

Juan 14:30

Ag ko la dokeyay pansalitak ed sikayo, ta onsasabi lay manoley ed sayan mundo. Anggapon balut so pakayari tod siak.

Isaias 30:1

Say Katawan nansalita: “Pangaskasiyan iray manooley ed Juda lapud linmaban irad siak. Totombuken da ray ag ko implano, tan akipakna ra sumpad linawak; pantatabunan day kasalanan a gagawaen da.

Say Libro nen Job 1:7

Tinepet na Katawan ed sikato “Iner so nanlapwan mo?” Inmebat si Satanas, “Manaakar-akar ak ta liliberen koy intiron mundo.”

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

Juan 16:11

tan nipaakar ed panagsintinsia, ta asintinsiaan lay manoley ed sayan mundo.

Juan 13:27

Kapangawat nen Judas na tinapay linmoob si Satanas ed sikato. Inkuanen Jesus ed sikato, “Gawam lan tampol so labay mon gawaen!”

Juan 13:2

Mamandem ira di Jesus tan saray disipulo to. Inseksek lan maung na Diablo ed puso nen Judas Iscariote, ya anak nen Simon, so pantraidor tod kinen Jesus.

Juan 8:23

Inkuantod sikara, “Taga kayo leksab, balet taga ak tagey. Taga kid sayan mundo, siak balet andi.

Juan 7:7

Ag kayo nayarin bosulen na sankamundoan balet bosulen to ak, lapud papaneknekan kon maoges iray gawa to.

Mateo 13:38

samay alog a nampasekan to, say mundo; saramay maung a bokel, saray totoon nepeg day walad Panarian; saramay dika, saray totoon nepeg day walad Panarian to may Maoges;

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

1 Juan 3:8

Siopamay manggaway kasalanan kayaryan na Diablo, ta say Diablo et nankasalanan nanlapud gapo. Pinmanengneng so Anak na Dios a maneral na saray kimey na Diablo.

Santiago 1:7

Ag manilalon mangawat na antokaman a manlapud Katawan yan klasiy too,

2 Timoteo 4:10

Imbatikan ak nen Demas lapud panangaro tod sayan mundo, tan linmad Tesalonica. Linmad Galacia si Cresente, tan si Tito, dia ed Dalmacia.

Saray Gawgawa 19:35

Say panguloy baley apadeen ton siansia ray totoo. “Sikayon taga Efeso!” inkuanto. “Siopay toon ag makapikabat a say siudad na Efeso et managasikaso na timploy matalonggaring ya Artemis, tan say masanton baton naplag a nanlapud tawen?

Lucas 22:31

“Simon, Simon, dengel ka! Naabuloyan si Satanas a manubok ed sikayon amin, a singa say dumaralus a pambiigan toy ilik tan apa.

Lucas 16:8

Samay amo indayew to yan masaol ya inkargado lapud kinasilib to. Ta lalon marunong ni ray minumundon totoo ed pipiolup dad saray kapara ran minumundo nen saray ontotombuk ed Dios.”

Mateo 11:19

Sinmabiy Anak na Too, mangakan tan oniinom, balet kuanda, ‘Nengneng yo yan too! Masiba tan mainom na alak, tan kakaaro to ray sumisingil na buis tan saray makasalanan!’ Anggaman ontan, diad saray gawgawa so pakapatnagan a tua so kakabatay Dios.”

Jeremias 23:10

Say dalin napno na saray totoon aliwan matoor ed Katawan; nambilay iran maoges tan andi-kakanaay impangikana rad pakayari ra. Lapud impangisamba na Katawan nagmaliw a maneermen so dalin tan amagaan iray pastolan.

Isaias 57:4

Siopay luludlureyen yo? Sikayon matitila, siopay kakantiawan yo?

Saray Salmo 17:14

iyagel mo ak pad saray totoon walad sikaray amin a labay da diad sayan bilay. Dusam pa ra diad panamegley na saray kairapan ya intaryam ed sikara; nawalaan komun na dakerakel a kairapan iray anak da, tan wala ni komuy nakeraan a para saray apo ra!

Say Libro nen Job 31:7

No sinmian ak ed maptek a dalan, odino naayat ak ed kaogsan, no amansaan so limak na kasalanan,

Puyan 16:17

Samay kumapiton anghil inkalbo tod dagem so kargay yaung to. Walay maksil a bosis a nanlapud trono ed timplo tan inkuanto, “Asumpal lan agawa!”

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Oseas 10:9

Say Katawan kuanto, “Ag tinmondan mankakasalanan iray totook ya Israelita nanlapu lad samay impankasalanan dad Gabaa. Kanyan naabotan ira na bakal ed Gabaa.

Say Libro nen Job 1:19

nen walay mabiskeg a dagem a nanlapud kalawakan. Binmasig ed abung a kawalaan da, et inatey iran amin. Siak labat so akabatik, kanyan wadya ak a mangibalitad sika.”

Say Libro nen Job 1:16

Mansasalita ni nen sinmabi so sakey nin aripen tan kuanto, “Inatey ya amin iray karnirom tan saray mamapastol ed sikara, ta naatotan iray karul. Siak labat so akabatik kanyan wadya ak a mangibalitad sika.”

Mateo 13:22

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

Marcos 4:19

balet deralen ira na saray kapagaan na panagbilay, say inkaagom ed kayamanan, tan say alablabas a pampirawat ed arum ni ran bengatla; kanyan ag ira mambunga.

TAGA-EFESO 1:21

Si Cristo manarid man ed amin da ray mangatatawen a manoley, saray walay betang, saray walay pakayari, tan anggan saray kakatawan; walad silong na pakayari toy amin a mambebembey betang diad sayan mundo tan anggan diad arapen.

TAGA-EFESO 2:11

Kanyan nunot yoy gendat a kipapasen yo: nianak kayon Hintil, tan saray Judio a tatawagen day sikaran dili ya asegat, (onung ed gagawaey totood saray laman da) et tatawagen da kayon ag atandaay segat.

TAGA-EFESO 2:13

Balet natan, lapud pikakasakey yod Cristo Jesus, sikayo ran gendat ya arawi, niasingger kayo la diad panamegley na dala to.

TAGA-EFESO 4:17

Diad ngaray Katawan sirin, ibabagak tan ipupurek kod sikayo: ag ki la mambibilay a singa saray Hintil, ya andi-kakanaay kanunotan da

TAGA-EFESO 5:8

Wala kayo nen saman ed bilonget, balet lapud totoo ki lay Katawan, wala ki lad silew. Kanyan mambilay kayo ed nepeg a pambilay da ray totoon walad silew.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.