TAGA-EFESO 2:10 - Maung A Balita Biblia

¹⁰ Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

Maung a Balita Biblia

¹⁰ Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

TAGA-EFESO 2:10 Referans Kwoze

FILIPOS 2:13

ta say Dios so mangiiter ed sikayoy panlabay tan pakayarin manggawad linawa to.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

Saray Hebreo 13:21

Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

2 CORINTO 5:17

Kanyan nagmaliw a balon pinalsa so siopaman a toon akikasakey ed Cristo. Linmabas lay daan, tan sinmabi lay balo.

2 CORINTO 9:8

Say Dios nayarian to kayon itday masolusoluk nen say nakaukolan yo, pian wala lawas so onkanad sikayo tan wala niy nayarian yon iter ya onkanad amin a maung a pamaakaran.

TAGA-EFESO 4:24

Nepeg yon isolung so balon inkatoo, a pinalsan kaparparay Dios, tan nipanengneng diad tuan panagbilay a masanto tan matonung.

FILIPOS 1:6

Ag ko panduaruwaan ya isumpal na Dios so inggapo tod sikayon maung a gawa, anggad isabi na Agew nen Jesu-Cristo.

2 Timoteo 3:17

pian say toon manlingkur ed Dios et magmaliw a manepenepeg tan sipaparaan a manggaway amin a kamaungan.

TAGA-EFESO 4:1

Kanyan siak, sakey a priso lapud panlilingkur kod Katawan, kekerewen kod sikayo a mambilay kayo onung ed manepeg ya anawagay Dios ed sikayo.

2 Timoteo 2:21

Siopamay onaarawid kaogsan nikana para nidoma-doma ran getma, ta sikatoy nigana tan makana-kanad Katawan. Sikatoy sipaparaan a nikanad amin a maung iran gawgawa.

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Isaias 43:21

Sikaray totoon ginawak a para siak, mankanta ra na saray dayew ko!”

TAGA-EFESO 1:4

Diad sayan pikakasakey tid Cristo, say Dios pinili to itayo la, kasakbayan ya apalsay mundo, pian magmaliw itayon masanto tan anggapoy pakabalawan ed arap to. Lapud panangaroy Dios,

1 Timoteo 6:18

Ibangat mo ran manggaway kamaungan, mampayaman irad saray maung a gawa, mabonluk irad panangiter, tan sipaparaan iran mangyapag ed saray arum na kayaryan da.

Tito 3:14

Ibangat mo ray kakaiba tayo ya ikana ray panaon da ed panggaway maabig tan pangiter day talagan nakaukolan. Ag da komun dadarakey bilay da.

Saray Hebreo 10:24

Nepeg tin nunoten no panoy pananggoyur tayod balang sakey a mangarod kapara ton too tan manggaway kamaungan.

Tito 3:8

Sikato yay tuan bangat. Ipurek mo ra yan bengatla, pian saray mananisiad Dios et ompaga ran manggaway kamaungan. Maabig tan makana ra ya ed saray totoo.

COLOSAS 3:10

tan insolung yoy balon inkatoo. Sikato yay balon too a pinalsa na Dios tan papasimbaloen to lawas onung ed indengan to, pian magmaliw a nagnap so pakapikabat yod sikato.

Tito 2:7

Ipanengneng mo diad anggan anton pamaakaran, ya oliran kad maabig iran gawgawa. Nepeg a matoor kad panagbangat mo, tan ag mo gagalaw-galawen.

1 CORINTO 3:9

Nampapara kamin kumikimey na Dios, tan sikayoy alog to. Sikayo met so paalagey na Dios.

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

Tito 3:1

Ipanunot mod saray totoom a paoleyan irad saray manoley tan saray walay betang, onuren da ra, tan sipaparaan iran manggaway kamaungan.

1 Juan 2:6

Siopamay toon mangibagan mansiasiansiad Dios, nepeg a mambilay a singa impanbilay nen Jesu-Cristo.

Saray Salmo 138:8

Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.

Isaias 29:23

No nanengneng yo ray ogogaw ya iter kod sikayo, nabirbir yod satan a siak so masanto a Dios na Israel. Igalang yo ak tan mankelaw kayon manalagey ed arap ko.

Mateo 5:16

Ontan met, iwandag yod arap na katoowan so silew yo, pian nanengneng da ray maung a gawa yo, et diad ontan, idayew day Ama yon walad tawen.”

Juan 3:21

Balet siopamay mambilay onung ed katwaan, onsingger ed silew tan diad ontan napatnagan a katotoluk ed Dios iray gagawaen to.

Saray Salmo 51:10

O Dios, gawam pan malinis so pusok; itdan mo ak pay balo tan matoor ya ispiritu.

2 TESALONICA 2:17

et pabiskegen to komuy linawa yo tan pasekderen to kayon manggawa tan mansalita na amin a kamaungan.

Saray Taga Roma 8:29

Saray pinili na Dios a kayaryan ton nanlapud gapo et inggana to ran miolibay ed Anak to, pian say Anak so magmaliw a pangulowad saray amayamay a sanaagi.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Isaias 60:21

Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

2 CORINTO 5:5

Say Dios a dili so angiparaan ed sikatayo na sayan pakaoman, tan inter tod sikatayoy Ispiritu to a kaletan ed pangoman tod sikatayo.

Isaias 44:21

Say Katawan kuanto, “Tandaan mo ya, Israel; tandaan mo a sikay aripen ko. Pinalsa ta ka a magmaliw ya aripen ko, tan ag ta kan balut lingwanan.

1 Timoteo 5:25

Ontan met mabatabatar a nengnengen so maung a gawa, tan no bilang ta ag naimanon tampol, ag balet mansiansian akaamut.

1 Timoteo 2:10

Ingen nepeg a nanengneng ed sikaray maung iran gawgawa, ta sikato yay akbibit na bibiin ipapasen day laman dan dili a mananisia rad Dios.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

Saray Gawgawa 9:36

Diad Jope wala met so sakey a biin mananisia a manngaray Tabita. (Diad salitay Grigo say ngaran to Dorcas, ya “sakey ya ulsa” so labay ton ibaga.) Anggapo lay arum a gagawaen to no ag say panggawa toy kamaungan tan panulong tod saray mairap-bilay.

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Isaias 19:25

Bindisionan ira na Katawan a Makapanyarin-amin a kuanto, “Bindisionan ta ka Egipto, sika a took; Asiria, sika a pinalsak; tan Israel, sika a toon pinilik.”

Saray Salmo 119:3

Ag iran balut manggagaway maoges; mankukurang irad saray dalan na Katawan.

Saray Salmo 81:13

Agaylay pampirawat kon ondengel iray totook; agaylay pampirawat kon onuren da ak!

TAGA GALACIA 6:15

Asegat man odino andi so sakey a too, anggapoy wala. Say manona say pagmaliw a balon pinalsa.

Saray Taga Roma 8:1

Kanyan ag la natan nadusa iray totoon mikakasakey ed Cristo Jesus.

Deuteronomio 32:6

Onya so labay yon ibales ed Katawan, sikayon totoon makulang-kulang tan anggapoy liknaan? Sikato so ama yo ya amalsad sikayo, inletneg to kayo a sakey a bansa.

TAGA-EFESO 2:2

Diad saman a panaon tinombuk yoy maoges iran kagagawad sayan mundo; inonur yoy pangulo na saray maispiritun pakayarid tagey, say ispiritun manoley ed bilay da ray totoon ag ontotoluk ed Dios.

Isaias 43:7

Sikaray dilin totook, tan pinalsak ira a mangiter ed siak na kagalangan.”

TAGA-EFESO 1:1

Sayan sulat nanlapud kinen Pablo ya apostol nen Cristo Jesus, onung ed linaway Dios— Diad saray totooy Dios a wala rad Efeso, saray matoor ed Cristo Jesus:

TAGA-EFESO 2:6

Diad pikakasakey tid Cristo Jesus, binilay to itayo a kaiba nen Cristo tan impiolup to tayod sikato a manoley ed katawenan.

TAGA-EFESO 2:13

Balet natan, lapud pikakasakey yod Cristo Jesus, sikayo ran gendat ya arawi, niasingger kayo la diad panamegley na dala to.

TAGA-EFESO 2:15

Diad panamegley na laman to, inekalan toy biskeg so Ganggan a pati saray bilibilin tan saray totontonen, pian nagawa ton saksakey a balon tipon na totoo iray duaran bansa diad pikasakey dad Cristo, et diad ontan manoley so kareenan ed sikara.