Sofonias 3:17 - Maung A Balita Biblia

¹⁷ Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Maung a Balita Biblia

¹⁷ Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Sofonias 3:17 Referans Kwoze

Saray Salmo 149:4

Naliliketay Katawan ed saray totoo to; papagalangan to ray mapaabeba diad pangiiter tod sikaray pananalo.

Saray Salmo 147:11

balet pakaliliketan to ray mangigagalang ed sikato, saray manmamatalek ed ag mangoman a panangaro to.

Jeremias 32:41

Panliketan koy panggawak na kamaungan ed sikara, tan pansiansiaen ko ran iletneg ed sayan dalin.

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Deuteronomio 30:9

Say Katawan paaligwasen to kayo ed amin a gawaen yo; nawalaan kayo na amayamay ya anak tan amayamay ya ayayep, tan makaani kayo na daakan ed saray alog yo. No kaonungay impanliket to ya amaaligwas ed saray lalaki yo, ontan met so panliket ton mamaaligwas ed sikayo,

Sofonias 3:15

Pinatonda na Katawan so dusa yo; pinaandi ton amin iray kalaban yo. Kaolup yo so Katawan ya ari na Israel; anggapo la natan so nepeg yon takotan.

Juan 15:11

“Imbagak ira yad sikayo, pian niwala ed sikayo so liket ko, tan nayadyari so liket yo.

Isaias 65:19

Manliket ak met lapud Jerusalem tan saray totoo to. Anggapo lad man naaniy manaakisan tan say ontawag ya onkerew na tulong.

Saray Bilang 14:8

No maliket ed sikatayo so Katawan, iyakar to tayod man tan iter tod sikatayo man a mayaman tan mataban dalin.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!’”

Sofonias 3:5

Balet wala nin siansiad siudad so Katawan; say kamaungan so gagawaen to lawas ya aliwan say kaogsan. Kapag kabwasan ya ag balut nasaew, gagawaen toy katonungan ed saray totoo to. Balet itutuloy na saray totoon maoges so panggagawa ray kaogsan tan ag ira ambaing.

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”

Isaias 18:4

Inkuan ed siak na Katawan, “Manlapud tawen ag nalikas so iyosdung ko a singa ipepelag na linaew no panaon na panaganin masalimoot so labi, odino singa ampetapetang ya agew ya onsisinag no kagkaagewan.

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 1:31

Ninengneng na Dios iray pinalsa to, et maung a tuloy iran amin. Linmabas so labi tan sinmabiy kabwasan—sikato ya so kumanem ya agew.

Isaias 63:1

“Siopa yay onsasabin nanlapud siudad na Bozra ed Edom? Siopa yay mapagalang ya akakawes na ambal-balanga, a manaakar a sankataruk toy pakayari tan biskeg?” Sikato so Katawan, makapanyarin mangilaban, ya onsasabin mangibawag na pananalo to.

Isaias 63:12

Kawalaan na Katawan a diad pakayari to et nanggawa na saray ankabaleg a pakelaw diad panamegley nen Moises, binelsay toy danum ed dayat tan inwanwan ton binmaliw iray totoo to ed aralem a danum, pian makagamur na ag manganggan kagalangan to?” Diad panangiwanwan na Katawan, singa ra kabayod katakelan ya ag balut natumba.

Genesis 2:2

Diad loob na anem agew asumpal na Dios a pinalsa ira yan amin, insan diad kumapiton agew nampainawa ed amin a kimey to.

Oseas 14:4

Say Katawan kuanto, “Papawilen kod siak iray totook. Aroen ko ra ed intiron pusok; nakal lay pasnuk kod sikara.

Joel 2:21

“Kaalogan, ag kayo natatakot; ingen, manliket tan manggayaga kayo, lapud saray amin a ginagawa na Katawan ed sikayo.

Deuteronomio 23:15

“No imbatikan na sakey ya aripen so amo to tan linmad sikayon paiyagel, ag yo papapawilen.

Saray Salmo 78:65

Diad kaonuran, say Katawan binmangon a singa aliing ed ogip to; singa toon mabiskeg a maniingal lapud abuek.