Sofonias 2:3 - Maung A Balita Biblia

³ Singger kayod Katawan, amin yon mapaabeban totoo ed bansa, sikayon manusumpal na saray ganggan to. Manggawa kayo na kaptekan, tan mampaabeba kayo ed arap na Katawan. Angangko napaliisan yoy dusa no agew ya idapo na Katawan so pasnuk to.

Maung a Balita Biblia

³ Singger kayod Katawan, amin yon mapaabeban totoo ed bansa, sikayon manusumpal na saray ganggan to. Manggawa kayo na kaptekan, tan mampaabeba kayo ed arap na Katawan. Angangko napaliisan yoy dusa no agew ya idapo na Katawan so pasnuk to.

Sofonias 2:3 Referans Kwoze

Saray Salmo 76:9

nen inmalagey kan mangiter na sintinsia, a pangilaban mod amin da ray napapairap diad tapew na dalin.

Saray Salmo 22:26

Saray mairap-bilay mangan iray labalabay da; saray ondaragod Katawan igalang da. Onaligwas ira komun ed ando lan ando!

Jonas 3:9

Angangko mangoman na kanunotan so Dios; pakepaen to angangkoy pasnuk to, et ag itayo ompatey!”

Saray Salmo 105:4

Laka yod Katawan tan kerew kayoy tulong to; tan igalang yo ed ando lan ando.

Oseas 10:12

Inkuanko, ‘Mambaka kayo na balon dalin a para sikayo, mantanem kayoy katonungan, tan manani kayo na saray bindision a bunga na panangaro yod siak. Panaon la na ipawil yod siak a Katawan yo, et ondago ak a mangikalbod sikayo na saray bindision.’

Jeremias 39:18

Iyarawi ta kad kaatapan, tan ag ka napatey. Nipaliis kad patey lapud nanmatalek kad siak. Siak, say Katawan, so nansalita.”

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Saray Salmo 91:1

Siopamay onlan onsalimbeng ed Katawan, siopamay mansiansiad silong na panangyagel na Makapanyarin-amin,

1 Pedro 3:4

Say ganggana yo et nepeg a walad peteg ya inkatoo yon niamut ed puso yo, say ag onkupas a ganggana a katekep toy maoyamo tan mareen ya ogali. Sikato yay mabmabli ed matay Dios.

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

Mateo 5:5

“Maliket iray mapaabeba, ta tawiren day dalin ya insipay Dios!

Saray Salmo 31:20

Lapud kiwawalam iyaagel mo ra ed saray komplut da ray totoo; diad anggapoy kaatapan a pasen, iyaamut mo ra ed saray panagpabaing na saray kalaban da.

Isaias 11:4

onung ed kaptekan so panintinsia tod saray mairap-bilay, tan iyagel to ray katonungan da ray pakaskasi. Diad ganggan to nadusa ray katoowan, tan ompatey iray totoon maoges.

Oseas 7:10

Say panagpaatagey na saray totood Israel et mantatasi sumpad sikara. Anggan anto so agawa, ag ira pinmawil ed siak a Katawan a Dios da.

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Saray Salmo 149:4

Naliliketay Katawan ed saray totoo to; papagalangan to ray mapaabeba diad pangiiter tod sikaray pananalo.

Exodo 12:27

ebatan yo ra, ‘Sikatoy bagat na Paskua a pamagalang ed Katawan, ta nilabsanan to ray kaabungan na saray Israelita nen wala rad Egipto. Pinatey to ray Egipsio, balet ag to kami pinatey.’” Tinmuek iray Israelita tan inggalang day Katawan.

1 TESALONICA 4:10

Tan onyan tuay gagawaen yod amin da ray agagid intiron Macedonia. Anggaman ontan, kekerewen mi nid sikayo, agagi, ya aruman yo niy panangaro yo.

Zacarias 8:19

“Say ayunon nagagawa kapag kumapat, kumalima, kumapito tan kumaplon bulan et magmaliw a pista na liket tan gayagan para saray totood Juda. Nepeg yon aroen so katwaan tan kareenan.”

2 Samuel 12:22

“On,” ebat nen David. “Nanayuno tan nanermen ak legan a mabilay ni. Abaloan kon kasian ak na Katawan tan ag to abuloyan ya ompatey so ogaw.

Saray Salmo 45:4

Lakan sigagalang ya akalogan a manalo ed bakal, diad pangyagel mod katwaan tan katonungan! Say biskeg mo, panaloen to kad amayamay a bakal!

Isaias 1:17

tan manaral kayo lan manggaway kamaungan. Ipakurang yoy kaptekan ed saray katoowan—tulongan yo ray napapairap, iyagel yo ray olila, tan imasakit yo ray balo.”

Ezekiel 13:5

Ag da guaguardiaan iray pasen ya ageba ray padir, odino papasimbaloen ya ipaalagey iray padir, kanyan ag niagel so Israel no onsabiy bakal no agew na Katawan.