Sofonias 2:13 - Maung A Balita Biblia

¹³ Ipakana na Katawan so pakayari to ed paneral tod Asiria. Pagmaliwen ton ataynan ya aderal-deral so Ninive, sakey a pasen na kabueran ya anggapoy danum.

Maung a Balita Biblia

¹³ Ipakana na Katawan so pakayari to ed paneral tod Asiria. Pagmaliwen ton ataynan ya aderal-deral so Ninive, sakey a pasen na kabueren ya anggapoy danum.

Sofonias 2:13 Referans Kwoze

Nahum 3:7

Arawian ka na amin a makanengneng ed sika. Ikuanda, ‘Aderal-deral so Ninive. Siopay mangakasi ed sikato? Siopay malabay a manligliwad sikato?’”

Nahum 1:1

Sikato yay salitan nipaakar ed Ninive, say nipasingayew ed kinen Nahum a taga Elkos.

Isaias 10:16

Say Katawan a Makapanyarin-amin mangipadalan na sakit a manusad saray matataban sondalo. Diad saray laman da walay apoy a mampool lan mampool.

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Nahum 3:15

Anggan antoy gawaen mo, napoolan ka nin siansia ya anggad ipatey mo odino napatey ka ed bakal. Naandipat kan singa saray tanaman ya inoput na saray dorun. Dinmakerakel kan singa saray dorun!

Mikias 5:6

Diad pakapanyari ra nadakep day Asiria, say dalin na Nimrod, et iyagel da tayod saray taga Asiria no looban day dalin tayo.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Isaias 14:26

Sikato yay planok ed mundo; akaonat so taklay kon manusa ed saray bansa.”

Isaias 37:37

Insan sinmener si Senakerib ya impirador na Asiria tan pinmawil ed Ninive.

Jeremias 49:33

Magmaliw ya ando lan andon andi-kakanaan a pasen so Hazor, sakey a pasen a saray asod katakelan labat so manaayam, tan anggapo lad may manayam a too. Siak, say Katawan, so nansalita.”

Jonas 1:2

Inkuanto, “Lakad Ninive, say baleg a siudad, ta mansalita ka sumpad saman a siudad; amtak so ontan lan kaogsan na saray totood man.”

Jonas 3:2

Inkuanto, “Lakad Ninive, say baleg a siudad, ta ibagam ed saray totood man so sinalitak ed sika.”

Sofonias 1:4

“Dusaen ko ray totood Jerusalem tan amin a totood Juda. Paandipaten kod man ya amin iray pakanengnengan na panangigalang ed kinen Baal, et anggapo lad satan so makanunot ed anggan siopan parin manlilingkur ed sikato.