Saray Tagleey 5:8 - Maung A Balita Biblia

⁸ Ooleyan kami na saray totoon anggapoy pidomaan dad saray aripen, anggapoy mangyagel ed sikami ed pakaoley da.

Maung a Balita Biblia

⁸ Ooleyan kami na saray totoon anggapoy pidomaan dad saray aripen, anggapoy mangyagel ed sikami ed pakaoley da.

Saray Tagleey 5:8 Referans Kwoze

Zacarias 11:6

Say Katawan kuanto, “Ag ko la kasian so siopaman a too ed tapew na dalin. Paoleyan kod saray manoley da iray amin a totoo. Deralen na sarayan manoley so mundo, tan ag ko iyagel ed pakayari ra.”)

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagew-agew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

Probirbio 30:22

say aripen a magmaliw ya ari, say toon makulang-kulang a sawasawaan so kakanen to,

Saray Salmo 7:2

ta no andi, singa ra lion a mangyakar ed siak ed arawin pasen, ya anggapo lad may makapangilaban ed siak, et bingbingkasen da ak.

Oseas 2:10

Labusan kod arap na saray kainarowan to, et anggapoy makapangyagel ed sikatod pakayarik.

Isaias 43:13

Siak so Dios tan Siak si Siak. Anggapoy makapaliis ed pakayarik; anggapoy makaoman ed antokaman a gagawaen ko.”

Saray Salmo 50:22

“Dengel yo ya, sikayon ag mangasasikasod siak, ta no andi, bingbingkasen ta kayo, et anggapoy mangyagel ed sikayo.

Say Libro nen Job 10:7

Amtam ya anggapoy kasalanan ko, tan anggapoy makapangyagel ed siak ed sika.

Say Libro nen Job 5:4

Ag makaarawid kaatapan iray anak da; diad korti anggapoy mangyagel ed sikara.

Nehemias 2:19

Balet nen nadngelan di Sanbalat, Tobias, tan Gesem ya Arabe so plano min gawaen, inelekelekan tan niluludlurey da kami. Inkuanda, “Anto tay gagawaen yo? Labanan yo la sirin so impirador?”

Deuteronomio 28:43

“Saray sangkailin manayam ed dalin yo et ombiskeg lan ombiskeg so pakayari ra, balet onkapoy lan onkapoy so pakayari yo.

Genesis 9:25

inkuanto, “Nisamba komuy Canaan! Magmaliw ya aripen na saray agagi to.