Saray Tagleey 5:17 - Maung A Balita Biblia

¹⁷ Ambelat so pagew mi lapud saya tan binmilonget so pakanengneng mi,

Maung a Balita Biblia

¹⁷ Ambelat so pagew mi lapud saya tan binmilonget so pakanengneng mi,

Saray Tagleey 5:17 Referans Kwoze

Isaias 1:5

Akin et itutuloy moy onsumpa? Labay mon ompalaloy pakadusam? Israel, asugat-sugat lay olom, tan wala lay sakit na pusom tan say kanunotan mo.

Saray Tagleey 2:11

Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.

Saray Salmo 6:7

Ngalngalin ag ak la makanengneng; linmalarag la ray matak diad panaakakis ko lapud amin da ray kalaban ko.

Say Libro nen Job 17:7

Korarap so pakanengneng ko lapud kaermenan; singa toruk la ray taklay ko tan saray salik.

Isaias 38:14

Melmelag tan makapkapoy lay bosis ko, Tan managlem ak a singa malapati. Diad kanenengneng kod tawen naksawan lay matak. Katawan, agwat mo ak pad sayan gunigon.

Mikias 6:13

Kanyan inggapok lay panderal tan pamairap ed sikayo, lapud saray kasalanan yo.

Ezekiel 21:15

Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.

Ezekiel 21:7

No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la.” Say Katawan a Dios so nansalita.

Saray Tagleey 1:22

“Sintinsiaan mo pa ray dusa lapud saray kaogsan da; Dusam ira a singa impanusam ed siak, lapud saray kasalanan ko. Mapalaloy panayay ko, tan ansakit so pagew ko.”

Saray Tagleey 1:13

“Manlapud tagey angipelag na apoy tan pinoolan toy dalem ko. Pinatitan to ak, et nipatumba ak. Insan to ak inkaindan, tan tinaynan to ak a nanairapan.

Jeremias 46:5

“Balet antoy nanenengneng ko?” tepet na Katawan. “Ompopoliktar irad takot. Mapalaloy kakairapan na saray sondalo ra; diad gaway takot dan amin, gagawaen day anggay nayarian dan ombatik, tan ag la ra onlilingaw.

Jeremias 8:18

Ag napaabig so kaermenan ko; walay sakit ko diad pusok.

Saray Salmo 69:3

Naksawan ak lan onkekerew na tulong, tan anagasang lay kolukolung ko. Onsasakit la ray matak diad panatalaran kod isabiy tulong mo.

Saray Salmo 31:9

Katawan, kasian mo ak pa, ta nagugunigon ak; naksawan la ray matak lapud ontan lan kakaakis; makapkapoy ak lan sigput!

Deuteronomio 28:65

Ag diman manarid sikayo so kareenan, tan anggapoy pasen a nayarian yon tawagen a kayaryan yo; say Katawan tabonan to kayo na kapagaan, kaandiay ilalo, tan kaermenan.

Levitico 26:36

“Pagmaliwen ta kayon mapalalon matakot, sikayon nibantak ed arum a bansa, kanyan anggan diad kalasakas labat na bolung ombatik ki la. Ombatik kayon singa oosilan ed bakal tan natumba kayo, anggan anggapoy kalaban ed abay yo.

Saray Salmo 38:8

Makapkapoy ak tan agaylay kesaw ko; nagugunigon ak tan manay-ay ak lad sakit.