Saray Tagleey 5:13 - Maung A Balita Biblia

¹³ Apasoot a manggiling iray lalakin tobun-balo tayo; mandokingking a mansasakbat na ambelat a kiew iray ogogaw a lalaki.

Maung a Balita Biblia

¹³ Apasoot a manggiling iray lalakin tobun-balo tayo; mandokingking a mansasakbat na ambelat a kiew iray ogogaw a lalaki.

Saray Tagleey 5:13 Referans Kwoze

Saray Huis 16:21

Dinakep na saray Filisteo si Samson tan sinokit da ray mata to. Inyakar da ed Gaza, ginolunggolungan da na gansa, insan da impankimey ed gilingan diad dalem na prisowan.

Mateo 23:4

Manggagawa ray ambelat a sasakbaten ya ipapasakbat dad arum a totoo, balet ag da labay ya igalaw so anggan tamoro ra diad pangiba ra.

Isaias 58:6

“Say labay kon panagayuno saya: Okbar yoy golunggolung na panamairap tan ekal yoy pako na panagpikewet yo ed inkatonung, tan ibolus yo ray napapairap.

Isaias 47:2

Patelek moy gilingan! Manggiling kay arina! Ekal moy pandung mo! Lakseb moy marakep a kawes mo! Itagey moy paldam diad ibaliw mod saray kolus.

Say Libro nen Job 31:10

mamparaan komun so asawak na kanen na sananey a laki tan miogip ed dokulan na sananey a laki.

Exodo 23:5

No niparokul so asno na mamobosul ed sikayo, lapud belat na awit to, tulongan yon onalagey lamet imay asno; ag kayo ompapaliis.

Exodo 11:5

tan ompatey so balang pangolowan a lakin Egipsio, manlapud pangulowan a lakin anak na ari, a sikatoy nepeg ya onsalat a manari, ya anggad lakin anak na aripen a biin managgiling na trigo. Ompatey met ya amin iray besag ya anak na amin ya ayep.

Exodo 2:11

Nen baleg lay Moises dinalaw to ray agagi ton Hebreo, et naimatunan toy kakairapan da. Anengneng nen Moises so sakey ya Egipsio a mamapatey ed sakey a Hebreo a kadalaan to.

Exodo 1:11

Kanyan angipasen iray Egipsio na saray opisyal a mamairap ed saray Israelita. Impankikimey da ra na ambelat diad impamaalagey dad saray siudad na Pitom tan Rameses a panangisempenay abasto na ari.

Jeremias 7:18

Saray ogogaw mantitipon ira na kiew ya itotongo, saray totoon baleg a lalaki et mamaparlang ira, tan saray bibii manmamasa ra na gawaen dan kanen a para diosan tatawagen da na Riyna na Tawen. Angisaklang met ira na saray bagat ya iinomen ed saray arum a diriyos, pian napasakitan da ak.