Saray Tagleey 4:21 - Maung A Balita Biblia

²¹ Manliket tan manggayaga kayo, sikayon taga Edom tan Uz. Onsabi met ed sikayoy deral, mandongilngil kayo met a manakar-akar ya anggapoy kawes.

Maung a Balita Biblia

²¹ Manliket tan manggayaga kayo, sikayon taga Edom tan Uz. Onsabi met ed sikayoy deral, mandongilngil kayo met a manakar-akar ya anggapoy kawes.

Saray Tagleey 4:21 Referans Kwoze

Puyan 16:15

“Dengel kayo! Onsabi ak a singa matakew! Maliket iray abangon tan ag naneekal na kawes da, pian ag ira manakar-akar ya anggapoy akasolung ed laman da, et ag ira nabaingan ed saray totoo!”

Amos 1:11

Say Katawan kuanto, “Nankakasalanan iray totoon taga Edom, kanyan andi-saew a dusaen ko ra. Inoosilan day ispada iray lalakin agagi ra ya Israelita, tan ag da ran balut kinasian. Anggapoy anggaan so pasnuk da tan ag dan balut pinakepa.

Say Libro nen Job 1:1

Walay sakey a lakin manngaray Job a manaayam ed dalin na Uz. Anggapoy pakabalawan ed sayan too, matonung, walay takot to ed Dios, tan aarawian toy kaogsan.

Saray Salmo 137:7

Nunot mo pa, Katawan, so ginagawa da ray Edomita, nen agew ya adakep so Jerusalem. Nunot mo may imbabagbaga ra, “Geba yo ya anggad pundasion to!”

Mikias 1:11

Sikayon taga Safir, laka yon nibantak ed arum a bansa, a labus-lakseb tan nababaingan kayo. Saray manaayam ed Zaanan et ag da sasalien so ompaway ed siudad da. No narengel yon maneermen iray taga Bet-ezel, naamtaan yo ya anggapod may nasalimbengan.

Obadias 1:1

Sikato yay propisiya nen Obadias—say imbaga na Katawan a DIOS nipaakar ed bansa na Edom. Say Katawan imbaki tod saray bansa so managbalita to, et nadngel mi so imbalita to: “Mamparaan kayo! Onla itayon mibakal ed Edom!”

Ezekiel 26:2

Inkuanto, “Sika a toon ompatey, dengel mo yay ibagak. Sikato yay pakaliliketan na saray totood siudad na Tiro. Iyeeyag da, ‘Aderal-deral so Jerusalem! Naandi la so pakayari to ed nigosio! Ag lan balut nayarin kakompitinsia!’

Ezekiel 25:8

Say Katawan a Dios kuanto, “Lapud imbaga na Moab a say Juda et singa labat saray arum a bansa,

Ezekiel 25:6

“Sikato ya so ibabaga na Katawan a Dios: Nantitipak tan nanlulugtot kayod liket. Binabalaw yoy dalin na Israel.

Jeremias 49:12

“No saramay ag da kanepegay nadusa et kinaukolan iran oninom ed kupa na dusa, sikayo niy ag nadusa? Andi-saew a nadusa kayo; nepeg ya oninom kayo ed kupa!

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

2 Saray Awaran 28:19

Inter na Katawan ira yan segsegang ed Juda lapud pinaolyan nen Ari Acaz so pankaabigan na saray totoo to, tan sinumlang toy linawa na Katawan.

Genesis 36:28

Si Disan so sengeg na saray boleg di Uz tan Aran.

Habacuc 2:16

Nakawesan kayo kumun na kagalangan, ingen napelag kayod kababaingan. Maninom kayo tan mandongildongil kayo. Ipainom na Katawan ed sikayo so kupay dusa tan magmaliw a kababaingan so kagalangan yo.

Jeremias 49:7

Sikato yay inkuan na Katawan a Makapanyarin-amin nipaakar ed Edom: “Naandian ta lay kakabatan iray taga Edom? Ag ta la nibaga na saray sumisimbawa ra so nepeg dan gawaen? Naandipat ta lay intiron kakabatan da?