Saray Tagleey 4:17 - Maung A Balita Biblia

¹⁷ Nananap kami lan nananap na tulong, balet anggapo met lamlamang. Nanalagar kami lan nanalagar na tulong na sakey a bansa, balet anggapo met lamlamang so nitulong to.

Maung a Balita Biblia

¹⁷ Nananap kami lan nananap na tulong, balet anggapo met lamlamang. Nanalagar kami lan nanalagar na tulong na sakey a bansa, balet anggapo met lamlamang so nitulong to.

Saray Tagleey 4:17 Referans Kwoze

Ezekiel 29:16

Ag lan balut manmatalek ed tulong na Egipto so Israel. Say nagawad Egipto et mangipanunot ed Israel a baleg a lingo so manmatalek ed saray Egipsio. Naamtaan dad satan a siak so Katawan a Dios.”

Isaias 20:5

Saray nanmatalek ed Sudan tan saray angikinon ed Egipto et nabaingan ira tan naekalan iray ilalo.

2 Saray Arari 24:7

Ag lan balut pinmaway ed Egipto so ari na Egipto tan saray sondalo to, lapud wala lad silong na pakaoley na ari na Babilonia iray amin a dalin a sakop na Egipto, manlapud Ilog na Eufrates ya anggad ketegan ed baybay na Egipto.

Saray Tagleey 1:19

“Tinmawag ak ed saray kagampik, balet ag da ak tinulongan. Inaatey ed dalan iray papari tan saray pangulo, Legan a manaanap ira na naakan, pian ombiskeg ira.

Saray Tagleey 1:7

Natan ta aderal-deral lay Jerusalem, nudnunoten toy kagalangan to nen saman. Anggapoy ontulong ed sikato nen sikatoy naplag ed lima da ray kalaban; Elek-elekan na saray anakep ed sikato lapud inkatalo to.

Jeremias 8:20

Inmeyag iray totoo, “Linmabas lay tiagew, asumpal lay panagani, balet ag kami ni nilaban.”

Jeremias 2:36

Nileglemew moy sikan dili diad insingger mod saray diriyos na arum a bansa. Dismayaen ka na Egipto a singa impanismayad sika na Asiria.

Jeremias 2:18

Antoy nagunggonam ed iyakar mod Egipto? Say pakainom moy danum na Ilog na Nilo? Antoy nagunggonam ed iyakar mod Asiria? Say pakainom moy danum na Ilog na Eufrates?

Isaias 28:18

Magmaliw ya andi-kana so impisipanan yod patey, tan naderal so impipaknaan yod pasen a panaayaman da ray inaatey. Natumba kayon nibasig, no ondalan ed sikayoy deral.

Jeremias 2:37

Ibeneg mon ibatikan so Egipto, tan diad kababaingan mo sakuban moy lupam. Siak, say Katawan, impolisay ko ray panmamatalkan mo; anggapoy nagunggonam ed sikara.”

Saray Tagleey 5:6

Linma kamid Asiria tan Egipto ya akikerew, pian nawalaan kamiy magenap a napambilay.